ବୋରିପୁଟ ଷ୍ଟୋନ୍ ଟ୍ରାଜେଡି: ଆସିଲା ସାଂଘାତିକ ଅଭିଯୋଗ,ଅଣ ଓଡ଼ିଆ ଠିକା ସଂସ୍ଥାର ରହିଛି ତୃତୀୟ ମହଲାରେ ହାତ

<p>ଭୁବନେଶ୍ୱର,(ଓଡ଼ିଶା ରିପୋର୍ଟର): କୋରାପୁଟ୍ ଜିଲ୍ଲା ବୋରିପୁଟ ପାହାଡ଼ ଧସିବା ଘଟଣା ଭିନ୍ନ ମୋଡ଼ ନେଉଛି । ଏହି ଅଘଟଣରେ ସାଂଘାତିକ ଅଭିଯୋଗ ଆଣିଛି ଓଡ଼ିଶା ଠିକାଦାର ମହାସଂଘ। ଏହି ଘଟଣା ପଛରେ ତୃତୀୟ ମହଲାର ଲିଙ୍କ୍ ଥିବା ଅଭିଯୋଗ ଆଣିଛି ଓଡ଼ିଶା ଠିକାଦାର ମହାସଂଘ। &nbsp;ଭୁବନେଶ୍ୱରରେ ଏକ ସାମ୍ବାଦିକ ସମ୍ମିଳନୀ କରି ଠିକାଦାର ସଂଘ ସଭାପତି ପ୍ରଭାତ ଦାଶ କହିଛନ୍ତି ଯେ, ପାହାଡ଼ରୁ ପଥର ଖୋଳା ଦାୟିତ୍ୱରେ ଥିବା ଅଣ ଓଡ଼ିଇା ଠିକା ସଂସ୍ଥା ଡିଡି ବିଲ୍ଡର୍ସର ୩ୟ ମହଲାରେ ହାତ ରହିଛି । ୩ୟ ମହଲା ସହ ଲିଙ୍କ୍ ଥିବାରୁ ସଂସ୍ଥା ମୁଖ୍ୟଙ୍କୁ ଗିରଫ କରାଯାଉନି। ବମିଖାଲ ବ୍ରିଜ୍ ଭୁଶୁଡ଼ିବା ନେଇ ଠିକାଦାରଙ୍କୁ ଗିରଫ କରାଗଲା।</p><p>କିନ୍ତୁ ବୋରିପୁଟରେ ଏତେବଡ଼ ଅଘଟଣ ପରେ ବି ରାଜ୍ୟ ସରକାର ଚୁପ୍ ରହିଥିବା ଅଭିଯୋଗ କରିଛନ୍ତି ପ୍ରଭାତ। ଏହି ଘଟଣାରେ ଦାୟୀ ଠିକା ସଂସ୍ଥାର ମାଲିକଙ୍କୁ ଗିରଫ କରିଯିବା ସହ ବିଧିବଦ୍ଧ ତଦନ୍ତ କରାଯାଉ ବୋଲି ଦାବି କରିଛନ୍ତି ଓଡ଼ିଶା ଠିକାଦାର ମହାସଂଘ। ତାସହ ମହାସଂଘର ସଭାପତି କହିଛନ୍ତି ଯେ, ଭୁଶୁଡ଼ି ଥିବା ବମିଖାଲ ବ୍ରିଜ୍ର ନିର୍ମାଣ କାମ ସାରିବାକୁ ଡିଡି ବିଲ୍ଡର୍ସକୁ ଦିଆଯାଇଥିବା କହିଛନ୍ତି । ତେଣୁ ଏହି ଡି.ଡି.ବିଲଡର୍ସକୁ ତୁରନ୍ତ ବମିଖାଲ ବ୍ରିଜର ନିର୍ମାଣ ଦାୟିତ୍ୱରୁ ହଟାଯାଉ ବୋଲି ଦାବି ଉଠିଛି। ନଚେତ୍ ବ୍ୟାପକ ଆନ୍ଦୋଳନ କରାଯିବ ବୋଲି କହିଛନ୍ତି ଓଡ଼ିଶା ଠିକାଦାର ମହାସଂଘର ସଭାପତି । ସେପଟେ ବୋରିପୁଟ ଦୁର୍ଘଟଣାରେ ୩ୟ ମହଲା ଲିଙ୍କକୁ ନେଇ ଠିକାଦାର ସଂଘ ଯେଉଁ ଅଭିଯୋଗ କରିଛି, ତା&rsquo; ଉପରେ ସାଂସଦ ବୈଜୟନ୍ତ ପଣ୍ଡା ଟ୍ୱିଟ୍&zwnj;ରେ ପ୍ରତିକ୍ରିୟା ରଖିଛନ୍ତି।</p><p>ଏହା ଅତି ସାଂଘାତିକ । ବାରମ୍ବାର ନିର୍ମାଣାଧୀନ ପ୍ରକଳ୍ପ ଭୁଶୁଡ଼ିବା, ବାରମ୍ବାର ମୃତ୍ୟୁ ଘଟିବା, ସଂପୃକ୍ତ ହତ୍ୟାକାରୀ ସଂସ୍ଥାକୁ ବାରମ୍ବାର ଓ୍ୱାକର୍ର୍ ଅର୍ଡର ଦିଆଯିବା, ଏପରିକି ସଂପୃକ୍ତ କ୍ଷମତାଶାଳୀ ଅଧିକାରୀଙ୍କ ସହ ଲିଙ୍କ୍ ଥିବା ଅଭିଯୋଗ ହେବା ସାଂଘାତିକ କଥା। ଏକ ଜାତୀୟ ସଂସ୍ଥା ଦ୍ୱାରା ତଦନ୍ତ ପାଇଁ PIL ର ସମୟ ଆସିନି କି ବୋଲି ବୈଜୟନ୍ତ ଟ୍ୱିଟ୍&zwnj; କରିଛନ୍ତି। ଅନ୍ୟପକ୍ଷରେ ଏହି ଘଟଣାକୁ ୧୦ ଦିନରୁ ଅଧିକ ସମୟ ବିତିଥିଲେ ବି ଏଯାଏଁ ଉଦ୍ଧାର ହୋଇନାହାନ୍ତି ପଥର ତଳେ ଫସିଥିବା ଦୁଇ ଜେସିବି ଅପରେଟର୍।&nbsp; ପଥର ହଟାଇବାକୁ ରାଜ୍ୟ ସରକାରଙ୍କ ସମସ୍ତ ପ୍ରଚେଷ୍ଟା ଫେଲ୍ ମାରିବା ପରେ ୩ ଦିନ ହେଲା ସେନାର ସହାୟତା ନିଆଯାଇଥିଲେ ମଧ୍ୟ କୌଣସି ସୁଫଳ ମିଳିପାରିନାହିଁ । ମେଜର୍ ଶଶାଙ୍କ ଯାଦବଙ୍କ ନେତୃତ୍ୱରେ ସ୍ଥଳ ସେନାର ବୈଷୟିକ ଟିମ୍ ୪ଟି ପଥର ବ୍ଲାଷ୍ଟ୍ କରିଥିଲେ ମଧ୍ୟ ୨ ଅପରେଟରଙ୍କ କୌଣସି ସନ୍ଧାନ ମିଳିପାରିନାହିଁ।</p><p>ତେବେ &nbsp;ବିସ୍ଫୋରଣ ପରେ ଦ୍ୱିତୀୟ ଜେସିବିର ସନ୍ଧାନ ମିଳିଛି। ପୂର୍ବରୁ ଗୋଟିଏ ଜେସିବିକୁ ବାହାର କରିଥିଲେ ଉଦ୍ଧାରକାରୀ ଦଳ। ସୂଚନା ଅନୁଯାୟୀ, ମେ ୩୧ ତାରିଖ ସାଢେ ୫ଟାରେ ପଥର ଖୋଳିବା ବେଳେ ପାହାଡ଼ ଧସି ଦୁଇ ଜେସିବି ଅପରେଟର୍ ଘନଶ୍ୟାମ ଗୁରୁ ଓ ସଞ୍ଜୟ ଦାସ ପଥର ତଳେ ଫିସିଯାଇଥିଲେ।</p><p>https://youtu.be/CWSM8dik2kg</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।