ମିନାକ୍ଷୀ ବାହିନୀପତିଙ୍କୁ ଟାର୍ଗେଟ କଲେ କୃଷ୍ଣ: କହିଲେ ଏମିତି କିଛି

ଜୟପୁର (ଟି. ଗୌରୀଶଙ୍କର): କଂଗ୍ରେସ ବିଧାୟକ ତଥା ବରିଷ୍ଠ ନେତା ତାରାପ୍ରସାଦ ବାହିନୀପତିଙ୍କ ପରେ ତାଙ୍କ ପତ୍ନୀ ମିନାକ୍ଷୀଙ୍କୁ ଟାର୍ଗେଟ କରିଛନ୍ତି କୋରାପୁଟ ବିଧାୟକ କୃଷ୍ଣଚନ୍ଦ୍ର ସଗରିଆ। ମିନାକ୍ଷୀଙ୍କୁ ପୁଣି ଥରେ କୋରାପୁଟ ଜିଲ୍ଲା କଂଗ୍ରେସ ସଭାପତି କରାଯିବାକୁ ସେ ନାପସନ୍ଦ କରିଛନ୍ତି। ସେ କହିଛନ୍ତି, “ମିନାକ୍ଷୀଙ୍କୁ ସଭାପତି କରାଯିବା ବୃଥା। ସେ ନିର୍ବାଚନ ବେଳେ ଦଳକୁ ସହଯୋଗ କରି ନଥିଲେ।”

ଏହାସହ ତାରାଙ୍କ ଉପରେ ପୁଣି ବର୍ଷିଛନ୍ତି କୃଷ୍ଣ। ସେ ଅଭିଯୋଗ କରିଛନ୍ତି ଯେ, ତାରାଙ୍କୁ ଟିକେଟ ନମିଳିବାରୁ ବିଜେପିକୁ ଯାଇଥିଲେ। ପୁଣି କଂଗ୍ରେସକୁ ଫେରିବା ପରେ ତାଙ୍କୁ ଥଇଥାନ କରାଯାଇଛି। ମୁଁ ନିଜ ଦମ୍‌ରେ ନିର୍ବାଚନ ଜିତିଛି। ଏହା ପଛରେ ତାରା କିମ୍ବା ମିନାକ୍ଷୀଙ୍କ କୌଣସି ଭୂମିକା ନାହିଁ।”

ତେବେ କୃଷ୍ଣଙ୍କ ଏ ଅଭିଯୋଗ ନେଇ ମିନାକ୍ଷୀ କିମ୍ବା ତାରାଙ୍କ ପ୍ରତିକ୍ରିୟା ମିଳିପାରିନି।