ନ୍ୟାୟ ଚାହେଁନି… ଝିଅକୁ ଚାହେଁ…

<p>କଟକ (ଓଡ଼ିଶା ରିପୋର୍ଟର): ନ୍ୟାୟ ଚାହେଁନି। ଝିଅକୁ ଚାହେଁ। ଝିଅ ମୋ ସହିତ ରହିଲେ ସୁରକ୍ଷିତ ରହିପାରିବ ଓ ଭଲ ହୋଇଯିବ। ଇଏ ହେଉଛି ଜଣେ ମା&rsquo;ର ସ୍ୱର। ଜଣେ ମା&rsquo; ତା&rsquo; ପିଲାକୁ ସୁରକ୍ଷା ଦିଏ, ଏକଥା ଆମେ ଶୁଣିଥିଲୁ। କୁନ୍ଦୁଲି ପୀଡ଼ିତାଙ୍କ କ୍ଷେତ୍ରରେ ଆଜି ଏହି କଥା ସତରେ ପ୍ରମାଣିତ କରିବାକୁ ଯାଉଛନ୍ତି। ଡାକ୍ତରଙ୍କ ବାରଣ ସତ୍ତ୍ୱେ ନିଜ ଝିଅକୁ ଡାକ୍ତରଖାନାର ଚାରିକାନ୍ଥ ଭିତରେ ନରଖି ନିଜ ଗାଁକୁ ନେଇଯାଉଛି ମା&rsquo;।</p><p>ଆଜି କୁନ୍ଦୁଲି ପୀଡିତାଙ୍କୁ କଟକ ବଡ଼ ମେଡିକାଲରୁ ଡିସ୍&zwnj;ଚାର୍ଜ କରାଯାଇଛି। ଏନେଇ ସକାଳୁ ପ୍ରକ୍ରିୟା ଆରମ୍ଭ ହୋଇଥିଲା। ଦିନ ପ୍ରାୟ ୨ଟାରେ ପୀଡିତାଙ୍କୁ ମେଡିକାଲରୁ ଡିସଚାର୍ଜ କରିବା ପାଇଁ ବ୍ୟବସ୍ଥା ଗ୍ରହଣ କରାଗଲା। ତେବେ ପୀଡିତା ସହିତ କିଏ ଯିବ ତାକୁ ବିବାଦ ଆରମ୍ଭ ହୋଇଥିଲା। ପୀଡ଼ିତାଙ୍କ ସହିତ ତାର ମା&rsquo; ଯିବେ ବୋଲି ପୋଲିସ କହିଥିଲା। ମାତ୍ର ପୀଡ଼ିତାଙ୍କ ସହିତ ତାଙ୍କ ମା&rsquo; ଓ ଖୁଡି ଯିବେ ବୋଲି ଅଡି ବସିଥିଲେ ପରିବାର ଲୋକେ। ମାତ୍ର ଏଥିରେ ପୋଲିସ ରାଜି ନହେବାରୁ ପରିବାର ଲୋକେ ଧାରଣାରେ ବସିଥିଲେ। ପରେ ଏହାକୁ ନେଇ ପୋଲିସ ଓ ପୀଡ଼ିତାଙ୍କ ସମର୍ଥକଙ୍କ ମଧ୍ୟରେ କଥା କଟାକଟି ଏବଂ ପାଟି ତୁଣ୍ଡ ହୋଇଥିଲା। ପରିସ୍ଥିତି ଏପରି ହେଲା ଶେଷରେ ପୋଲିସକୁ ମୃଦୁ ଲାଠି ଚାଳନା କିବା ପାଇଁ ପଡିଥିଲା। ଏପରିକି କୋରାପୁଟ ବିଧାୟକ କୃଷ୍ଣଚନ୍ଦ୍ର ସଗରିଆଙ୍କୁ ପୋଲିସ ଦୁର୍ବ୍ୟବହାର କରିଥିବା ଅଭିଯୋଗ କରିଛି।</p><p>&lt;span style=&quot;color: #ff0000;&quot;&gt;୯ ଦିନ ତଳେ ଏସ୍&zwnj;ସିବି ଆସିଥିଲେ ପୀଡ଼ିତା&lt;/span&gt;</p><p>କୁନ୍ଦୁଲି ପୀଡ଼ିତାଙ୍କ ସ୍ୱାସ୍ଥ୍ୟ ବିଗିଡିଗଲା। ୧୯ ତାରିଖରେ ତାଙ୍କୁ କଟକ ବଡ଼ ମେଡ଼ିକାଲରେ ଭର୍ତ୍ତି କରାଯାଇଥିଲା। ଗତ ୨୦ ତାରିଖରେ ପୀଡ଼ିତାଙ୍କ ସ୍ୱାସ୍ଥ୍ୟ ଅବସ୍ଥା ଗୁରୁତର ହେବାରୁ ମେଡ଼ିସିନ୍&zwnj; ୱାର୍ଡ଼ର ଆଇସିୟୁରେ ଭର୍ତ୍ତି କରାଗଲା। ତାଙ୍କ ଚିକିତ୍ସା ପାଇଁ ଏକ ୫ ଜଣିଆ ଟିମ୍&zwnj; ଗଠନ କରାଯାଇଥିଲା। ତା&rsquo;ପର ଦିନ ଚିକିତ୍ସା କରୁଥିବା ଡାକ୍ତରୀ ଟିମ୍&zwnj;ର ମୁଖ୍ୟ କହିଥିଲେ- ପୀଡ଼ିତାଙ୍କ ସ୍ୱାସ୍ଥ୍ୟ ଅବସ୍ଥା ଠିକ୍&zwnj; ରହିଛି। ତାଙ୍କୁ ଆୟୁସିୟୁରେ ରଖିବାର ଆବଶ୍ୟକ ନାହିଁ। ମାତ୍ର ତାଙ୍କୁ ମାନସିକ ଚିକିତ୍ସା ଆବଶ୍ୟକ। &nbsp;ଡାକ୍ତରଙ୍କ ଏପରି ବୟାନକୁ ପରିବାର ଲୋକେ ବିରୋଧ କରିଥିଲେ। ଏପରିକି ମାନସକ ବିଭାଗ ଆଗରେ ଧାରଣା ଦେଇଥିଲେ। ପରିବାର ଲୋକଙ୍କ ସହିତ ପୂର୍ବତନ ସାଂସଦ ଓ ବିଧାୟକ ମଧ୍ୟ ଧାରଣାରେ ବସିଥିଲେ।</p><p>&lt;span style=&quot;color: #ff0000;&quot;&gt;ପୀଡ଼ିତାଙ୍କ ଚିକିତ୍ସା ଆବଶ୍ୟକ: ଡାକ୍ତର&lt;/span&gt;</p><p>ପୀଡ଼ିତାଙ୍କ ଶାରୀରିକ ଅବସ୍ଥା ସମ୍ପୂର୍ଣ୍ଣ ଭଲ ରହିଛି। ମାତ୍ର ମାନସିକ ଚିକିତ୍ସା ଆବଶ୍ୟକ। ତାଙ୍କୁ ଅତିକମ୍&zwnj;ରେ ୧୦ ଦିନ ନିରୀକ୍ଷଣରେ ରଖିବା ଦରକାର। କିନ୍ତୁ ପରିବାର ଲୋକେ ଚାହିଁଲେ ନାହିଁ। ଅନ୍ୟପକ୍ଷରେ ପୀଡିତାକୁ ମାନସିକ ଚିକିତ୍ସା ବିଭାଗ ନୁହେଁ, ଆଡୋଲସେଣ୍ଟ ଆଣ୍ଡ ଚାଇଲ୍ଡ କେୟାର ବିଭାଗକୁ ନିଆଯାଇଥିଲା। ମାତ୍ର କିଛି ଲୋକ ତାକୁ ମାନସିକ ବିଭାଗ କହି ଗୁଜବ ସୃଷ୍ଟି କଲେ ବୋଲି ପୀଡିତାକୁ ଚିକିତ୍ସା ପାଇଁ ଗଠିତ ଡାକ୍ତରୀ ଟିମର ଆବାହକ ଡାକ୍ତର ପ୍ରସାଦ ମହାନ୍ତି କହିଛନ୍ତି।</p><p>ପୂର୍ବତନ ସାଂସଦ ପ୍ରଦୀପ ମାଝି କହିଛନ୍ତି- &ldquo;କୁନ୍ଦୁଲି ପୀଡ଼ିତା ଜୀବନରେ କଷ୍ଟ ଓ ଅନ୍ୟାୟ ସହିଛି। ସେ ତା&rsquo; ମାଆ କୋଳକୁ ଫେରିଗଲେ ଭଲ ହୋଇଯିବ। ଝିଅ ସହିତ ମୁଁ କଥା ହୋଇଛି। ସେ ମାନସିକ ଓ ଶାରୀରିକ ଭାବେ ସମ୍ପୂର୍ଣ୍ଣ ସୁସ୍ଥ ଅଛି।&rdquo;</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।