ଭୁବନେଶ୍ୱର(ଓଡ଼ିଶା ରିପୋର୍ଟର): ଭୁବନେଶ୍ୱର ନନ୍ଦନବିହାର ନିକଟ ଏକ ବ୍ୟାଙ୍କରୁ ଗତକାଲି ହୋଇଥିବା ଲୁଟ୍ ମାମଲାରେ ପୁଲିସ୍ ଖୋଳତାଡ଼ ଆରମ୍ଭ କରିଛି। ତେବେ ଏଯାଏ ଲୁଟେରାଙ୍କ ଟେର୍ ପାଇପାରି ନଥିବା ବେଳେ ଅଭିଯୁକ୍ତ ବ୍ୟବହାର କରିଥିବା ବନ୍ଧୁକ ଖେଳନା ବନ୍ଧୁକ ହୋଇଥାଇପାରେ ବୋଲି ପ୍ରାଥମିକ ତଦନ୍ତରୁ ଅନୁମାନ କରୁଛି ପୁଲିସ୍।
ଅଭିଯୋଗ ଅନୁଯାୟୀ, ଗତକାଲି ଅପରାହ୍ନ ୩ଟା୪୦ ବେଳେ ଘଟିଥିଲା ଲୁଟ୍। ହେଲମେଟ ପିନ୍ଧିଥିବା ଜଣେ ଦୁର୍ବୃତ୍ତ ହଠାତ୍ ବ୍ୟାଙ୍କ ଭିତରକୁ ପଶି ବନ୍ଧୁକ ଦେଖାଇ କର୍ମଚାରୀଙ୍କୁ ଭୟଭୀତ କରିଥିଲା । ଏହି ସମୟରେ ବ୍ୟାଙ୍କରେ ୩ ଜଣ କର୍ମଚାରୀ ଥିବା ସୂଚନା ମିଳିଛି । ବନ୍ଧୁକ
ଦେଖାଇ ଦୁର୍ବୃତ୍ତଜଣକ ବ୍ୟାଙ୍କରେ ଥିବା ୨ ଲକ୍ଷ ୭୮ ହଜାର ଟଙ୍କା ଲୁଟି ନେଇଥିବା ଅଭିଯୋଗ ହୋଇଛି ।
ଇନଫୋସିଟି ଥାନା ପୁଲିସ୍ ଘଟଣାସ୍ଥଳକୁ ଯାଇ ତନାଘନା କରୁଥିଲା ବେଳେ ସିସିଟିଭି ଯାଞ୍ଚରୁ ବନ୍ଧୁକଟି ଖେଳନା ବନ୍ଧୁକ ହୋଇଥାଇପାରେ
ବୋଲି ପୋଲିସ୍ ସୂଚନା ଦେଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
