ସୋର (ଶଶିକାନ୍ତ ବେହେରା): ବାଲେଶ୍ୱର ଜିଲ୍ଲା ସୋର ଥାନା ଅନ୍ତର୍ଗତ ନାୟକ ବନ୍ଧ କ୍ରସର ନିକଟରେ ଏକ ଘରୋଇ ଫାଇନାସ୍ କମ୍ପାନୀର ଦୁଇ ଜଣ କର୍ମଚାରୀଙ୍କୁ ଭୁଜାଲିରେ ହାଣି ଲକ୍ଷାଧିକ ଟଙ୍କା ଲୁଟି ନେଇଛନ୍ତି ଦୁର୍ବୃତ୍ତ। ଭୁଜାଲି ମାଡ଼ରେ ଆହତ ହୋଇଥିବା ଦୁଇ କର୍ମଚାରୀଙ୍କୁ ସୋର ଡାକ୍ତରଖାନାରେ ଭର୍ତ୍ତି କରାଯାଇଛି।
ଆଜି ସକାଳେ ଅନ୍ନପୂର୍ଣ୍ଣା ଫାଇନାନ୍ସ କଂପାନୀର ଦୁଇ ଜଣ କର୍ମଚାରୀ କେଶରୀପୁର ଏବଂ ଭିମେଇ ଗାଁରୁ ଟଙ୍କା ସଂଗ୍ରହ କରି ସୋରକୁ ଆସୁଥିଲେ। ଏହି ସମୟରେ ନାୟକ ବନ୍ଧ କ୍ରସର ନିକଟରେ ୩ ଜଣ ଦୁର୍ବୃତ୍ତ କଳା ପଲସର୍ରେ ଆସି ସେମାନଙ୍କୁ ଭୂଜାଲିରେ ଆକ୍ରମଣ କରି ଟଙ୍କା ଧରି ଫେରାର୍ ହୋଇଯାଇଥିଲେ। ଗୁରୁତର ଆହତ କର୍ମଚାରୀଙ୍କୁ ସ୍ଥାନୀୟ ଲୋକେ ଉଦ୍ଧାର କରି ସୋର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିଲେ। ଖବର ପାଇ ଘଟଣାସ୍ଥଳରେ ସୋର ପୁଲିସ୍ ପହଞ୍ଚି ତଦନ୍ତ ଆରମ୍ଭ କରିଛି।