ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p><span style="color: #000000;"><strong>କେନ୍ଦୁଝର(ପ୍ରଣୟ ପାଣି):</strong></span> କିଏ ଯୋଜନା କଥା କହି ଭୋଟ ମାଗୁଛନ୍ତି ତ ପୁଣି କିଏ ମୋଦିଙ୍କ ଭାବମୂର୍ତ୍ତିକୁ ପାଥେୟ କରି। ନିର୍ବାଚନ ମୁଣ୍ଡ ଉପରେ ଥିବାରୁ ଜନମତକୁ ନିଜ ସପକ୍ଷରେ ସାଉଁଟି ନେବାକୁ କଳେବଳେ କୌଶଳେ ଏମିତି ଉଦ୍ୟମ ଚାଲିଛି ରୀତିମତ। ହେଲେ ସୁଦର୍ଶନଙ୍କ ପ୍ରଚାର ତିରିକା ଟିକେ ଅଲଗା ପ୍ରକାର। ସେ ଶଙ୍ଖ ଦଳିଆ କି ପଦ୍ମ ଗଡିଆର ପ୍ରାର୍ଥୀ ନୁହଁନ୍ତି। ସ୍ୱାଧୀନ ଭାବେ ନିର୍ବାଚନ ଲଢୁଥିବାରୁ ତାଙ୍କ ପ୍ରଚାର ତରିକା ମଧ୍ୟ ଟିକେ ଅଲଗା ପ୍ରକାର।</p> <p>ହୁଇସିଲ୍‌ ମାରି ସେ ଜନତାଙ୍କୁ ଏକାଠି କରନ୍ତି। ମନ କଥା କୁହନ୍ତି। କ’ଣ କରିବେ ପ୍ରତିଶ୍ରୁତି ଦିଅନ୍ତି ଆଉ ଭୋଟ ଖଣ୍ଡକ ତାଙ୍କୁ ଦେବାକୁ ନିବେଦନ କରନ୍ତି।</p> <p>ଏମିତି ଘଟଣା ଏବେ କେନ୍ଦୁଝର ଜିଲ୍ଲାରେ ଚର୍ଚ୍ଚାର ବିଷୟ ହୋଇଛି। କେନ୍ଦୁଝର ପାଇଁ ସ୍ୱାଧୀନ ଲୋକସଭା ପାର୍ଥୀ ହୋଇଛନ୍ତି ଡ଼ ସୁଦର୍ଶନ ଲୋହାର। ତାଙ୍କୁ ନିର୍ବାଚନୀ ଚିହ୍ନ ମିଳିଛି ହୁଇସିଲ। ଏଣୁ ସେ ଏବେ ଘରଘର ବୁଲି ହୁଇସିଲ ମାରି ନିର୍ବାଚନ ପ୍ରଚାର କରୁଛନ୍ତି।</p> <p>୬୮ ବର୍ଷିୟ ସୁଦର୍ଶନ ଧୋବ ଫର ଫର କୁର୍ତ୍ତା ପିନ୍ଧି ବାହାରିଛନ୍ତି ପ୍ରଚାରରେ । ସାଙ୍ଗରେ ନା ଅଛନ୍ତି କର୍ମି ନା ଗାଡ଼ି ଘୋଡ଼ା । ଚାଲି ଚାଲି ଚଳାଇଛନ୍ତି ନିଜର ପ୍ରଚାର । ୨୦୦୪,୨୦୦୯, ୨୦୧୪ ନିର୍ବାଚନରେ ମଧ୍ୟ ସେ ପ୍ରତିଦ୍ୱନ୍ଦ୍ୱୀତା କରିଥିଲେ। ନିର୍ବାଚନରେ ଜିତିବା ଯେତିକି ଜରୁରୀ ନୁହେଁ ଲୋକଙ୍କ ପାଖରେ ପହଞ୍ଚିବା ସେତିକି ଜରୁରୀ, ଏଣୁ ସେ ନିର୍ବାଚନରେ ପ୍ରତିଦ୍ୱନ୍ଦ୍ୱୀତା କରନ୍ତି ବୋଲି କହିଛନ୍ତି।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
