ଆଜି ବାହାରିପାରେ ମହାପ୍ରସାଦ! ୩ ଦିନ ହେବ ନିରାଶରେ ଫେରୁଛନ୍ତି ଭକ୍ତ

<p>ପୁରୀ(ଓଡ଼ିଶା ରିପୋର୍ଟର): ଲଗାତାର ୩ଦିନ ଧରି ନିରାଶ ପରେ&nbsp; ଆଜି ବାହାରିପାରେ ମହାପ୍ରଭୁଙ୍କ ମହାପ୍ରସାଦ। ଶ୍ରୀମନ୍ଦିରରେ ଲାଗି ରହିଥିବା ନୀତି ବିଭ୍ରାଟରେ ସୁଧାର ଆସିଥିଲେ ବି ମହାପ୍ରସାଦ ସମସ୍ୟା କିନ୍ତୁ ଦୂର ହୋଇପାରିନାହିଁ। ମହାପ୍ରଭୁଙ୍କୁ କେବଳ ଦର୍ଶନ କରି ଆନନ୍ଦବଜାରରୁ ଖାଲି ହାତରେ ଫେରି ଆସିଥିଲେ ଭକ୍ତ।</p> <p>ଗତକାଲି ସକାଳଧୂପ ପରେ ଯାତ୍ରାଙ୍ଗି ମହାସ୍ନାନ ଓ ମଧ୍ୟାହ୍ନ ଧୂପ ପାଇଁ ସେବାୟତମାନେ ନିଜ ନିଜର ଦାୟିତ୍ୱ ସମ୍ପାଦନ କରିଥିଲେ। କିଭଳି ଭାବେ ସୁଆର ମହାସୁଆରମାନେ ଶ୍ରୀଜିଉଙ୍କ ନୀତିକାନ୍ତି ଓ ମହାପ୍ରସାଦ ବାହାରିବା କ୍ଷେତ୍ରରେ ସହଯୋଗ ଯୋଗାଇ ଦେବେ ସେନେଇ ଆଲୋଚନା ଜାରି ରହିଥିବା ଶ୍ରୀମନ୍ଦିର ମୁଖ୍ୟ ପ୍ରଶାସକ କହିଛନ୍ତି।</p> <p>ଗତ ୨ଦିନ ହେବ ମହାପ୍ରସାଦ ବାହାରିବା ନେଇ ଅନିଶ୍ଚିତତା ଲାଗି ରହିଥିଲା।&nbsp; ନଷ୍ଟ ହୋଇଥିବା ଅମୁଣିଆର କ୍ଷତିପୂରଣ ଦାବିରେ ସୁଆର ମହାସୁଆର ନିଯୋଗ ନିଜ ଜିଦ୍&zwnj;ରେ ଅଟଳ ରହିଥିଲେ।</p>