ଭୁବନେଶ୍ୱର(ଓଡ଼ିଶା ରିପୋର୍ଟର): ମହାନଦୀ ପାଣି ପାଇଁ ପୁଣି ହେବ ଆନ୍ଦୋଳନ। ଆଜି ମହାନଦୀ ଟ୍ରିବ୍ୟୁନାଲର ୧୯ତମ ଶୁଣାଣି ପରେ କହିଛନ୍ତି ମହାନଦୀ ବଞ୍ଚାଅ ଆନ୍ଦୋଳନର ଆବାହକ ସୁଦର୍ଶନ ଦାସ। ତେବେ ଆଜିର ଶୁଣାଣି ବେଳେ କମନ୍ ଇନ୍ଫରମେସନ୍ ଫର୍ମାଟ୍ ଚୂଡାନ୍ତ ହୋଇପାରିନାହିଁ। ଟ୍ରିବ୍ୟୁନାଲର ପରବର୍ତ୍ତୀ ଶୁଣାଣି ମାର୍ଚ୍ଚ ୧୩ ତାରିଖକୁ ଧାର୍ଯ୍ୟ କରାଯାଇଛି। ତେବେ ଟ୍ରିବ୍ୟୁନାଲରୁ ଓଡ଼ିଶାକୁ ଆଖିଦୃଶିଆ ସଫଳତା ମିଳୁନାହିଁ ବୋଲି କହିଛନ୍ତି ସୁଦର୍ଶନ।
ସେ କହିଛନ୍ତି, ଆସନ୍ତା ମାର୍ଚ୍ଚ ୧୨ରେ ମହାନଦୀ ଟ୍ରିବ୍ୟୁନାଲ୍ ଗଠନକୁ ୩ ବର୍ଷ ପୂରୁଛି। ହେଲେ ମହାନଦୀ ଜଳ ବିବାଦ ସମାଧାନର ଅଗ୍ରଗତି ହୋଇନି। ଟ୍ରିବ୍ୟୁୟନାଲରୁ ଓଡ଼ିଶା ମଧ୍ୟ କୌଣସି ଅନ୍ତରୀଣ ଆଦେଶ ପାଇପାରିଲାନି। ପ୍ରତିପକ୍ଷ ଛତିଶଗଡ଼ ଯେଉଁସବୁ ନିର୍ମାଣ କାମ କରୁଛି, ତାକୁ ମଧ୍ୟ ରୋକା ଗଲାନି। ଟ୍ରିବ୍ୟୁନାଲର କାର୍ଯ୍ୟକାଳ ମଧ୍ୟରେ ଚୂଡ଼ାନ୍ତ ରାୟ ପ୍ରକାଶ ପାଇବା ନେଇ ଆଶଙ୍କା ଥିବାରୁ ସରକାର ଆଉ ରାଜନୀତି କରନ୍ତୁନି ବୋଲି କହିଛନ୍ତି ସୁଦର୍ଶନ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
