ମର୍ମାହତ ମହାଶ୍ୱେତା: ଫେସ୍‌ବୁକ୍‌ରେ କହିଲେ-ଖୁବ୍‌ ବାଧିଛି ଚୟନ ପ୍ରକ୍ରିୟା, ପଢନ୍ତୁ କ’ଣ ଲେଖିଛନ୍ତି

ଭୁବନେଶ୍ୱର:(ଓଡ଼ିଶା ରିପୋର୍ଟର) ଅଭିନେତ୍ରୀ ମହାଶ୍ୱେତା ରାୟଙ୍କ ଫେସ୍‌ବୁକ୍‌ ପୋଷ୍ଟକୁ ନେଇ ଚର୍ଚ୍ଚା। ରାଜ୍ୟ ଚଳଚ୍ଚିତ୍ର ପୁରସ୍କାର ଚୟନ ନେଇ ଫେସ୍‌ବୁକ୍‌ରେ ଆପତ୍ତି ଉଠାଇଛନ୍ତି ମହାଶ୍ୱେତା । ଦୀର୍ଘ ୪୦ ବର୍ଷ ଧରି ସେ ଅଭିନୟ ସହ ଜଡିତ ଓ ଯେଭଳି ଭାବେ ପୁରସ୍କାର ଚୟନ କରାଗଲା ସେଥିରେ ସେ ଗଭୀର ମର୍ମାହତ ବୋଲି କହିଛନ୍ତି। ସେଦୃଷ୍ଟିରୁ ପ୍ରଥମ ଥର ଲାଗି ସେ ଏକ ଆଭିମୁଖ୍ୟ ଗ୍ରହଣ କରିଥିବା ଲେଖିଛନ୍ତି।

ଦର୍ଶକ, ସମାଲୋଚକ ତଥା ଶୁଭେଛୁଙ୍କଠାରୁ ପାଇଥିବା ମତାମତ ଅନୁଯାୟୀ ‘ଚିନି’ ଚଳଚ୍ଚିତ୍ରରେ ତାଙ୍କ ଅଭିନୟ ବଳିଷ୍ଠ ଥିଲା।  ସେ ଦୃଷ୍ଟିରୁ ଏହି ଚଳଚ୍ଚିତ୍ର ପାଇଁ ପୁରସ୍କାର  ମିଳିବା କଥା। ତେବେ ‘ଧରା ଦେଲା କଥା ସରେ’ ପାଇଁ ତାଙ୍କୁ ଶ୍ରେଷ୍ଠ ପାର୍ଶ୍ୱ ଅଭିନେତ୍ରୀ ପୁରସ୍କାର ମିଳିବା ସମସ୍ତଙ୍କୁ ଆଶ୍ଚର୍ଯ୍ୟ  କରିଥିବା ମହାଶ୍ୱେତା କହିଛନ୍ତି।  ଏଥିସହିତ ଏହି ପ୍ରସଙ୍ଗରେ ସେ ପ୍ରଶଂସକ ଓ ଶୁଭେଚ୍ଛୁଙ୍କ ସମର୍ଥନ ଆଶା କରିଛନ୍ତି।

ଅନ୍ୟପକ୍ଷରେ ମହାଶ୍ୱେତାଙ୍କ ଏହି ଫେସବୁକ୍ ପୋଷ୍ଟକୁ ନେଇ ପ୍ରତିକ୍ରିୟା ରଖିଛନ୍ତି ଜୁରି କମିଟି ଅଧ୍ୟକ୍ଷ ବିପିନ୍ ବିହାରୀ ମିଶ୍ର।  ଉଭୟ ଚଳଚ୍ଚିତ୍ରରେ ମହାଶ୍ୱେତାଙ୍କ ଅଭିନୟ ଉଚ୍ଚକୋଟୀର ଥିଲା। ତେବେ ‘ଚିନି’ ତୁଳନାରେ ‘ଧରା ଦେଲା କଥା ସରେ’ରେ ଅଭିନୟ ଅଧିକ ଭଲ ଥିଲା ବୋଲି ସେ କହିଛନ୍ତି । ଜୁରି କମିଟି ତାଙ୍କ ପ୍ରତି କୌଣସି ପକ୍ଷପାତ କରିନାହାନ୍ତି ଏବଂ ନିଜେ ନିଜର ବିଚାରକ ହେବା ଉଚିତ୍ ନିହେଁ ବୋଲି ସେ ମତ ଦେଇଛନ୍ତି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।