୫ ଜଣଙ୍କୁ ହତ୍ୟା ଧମକ ଦେଇଛନ୍ତି ମାଓବାଦୀ

<p>କୋରାପୁଟ(ଓଡ଼ିଶା ରିପୋର୍ଟର): ୫ ଜଣଙ୍କୁ ମିଳିଛି ମୃତ୍ୟୁଦଣ୍ଡ ଧମକ। ପୋଷ୍ଟର ଜରିଆରେ ମାଓବାଦୀମାନେ ଏଭଳି ଧମକ ଦେଇଛନ୍ତି। ପୋଷ୍ଟରଟି ଲାଗିଛି କୋରାପୁଟ ବୈପାରୀଗୁଡା ଥାନା ଦଣ୍ଡାବାଡ଼ି ଅଞ୍ଚଳରେ। ବିକାଶ ନାଁରେ ଗାଁରେ ବିନାଶ ଚାଲିଥିବା ମଧ୍ୟ ପୋଷ୍ଟରରେ ଉଲ୍ଲେଖ ରହିଛି।&nbsp; ବିକାଶ କେବଳ ସରକାରୀ ବାବୁଙ୍କର ହେଉଥିବା ଲେଖାଯାଇଛି।&nbsp; ସିପିଆଇ ମାଓବାଦୀ ମାଲକାନଗିରି କୋରାପୁଟ ବିଶାଖାପାଟଣା ସୀମାନ୍ତ ବା MKVB କମିଟି ନାଁରେ ଏହି ପୋଷ୍ଟର ଲଗାଯାଇଛି।&nbsp; ରତାଖଣ୍ଡର ଆନନ୍ଦ ନାୟକ ଓ ଦଣ୍ଡାବାଡିର ପୁଲୋ ନାୟକ, ଲୋକିରାମ ବାରିକ, ସୁରି ବାରିକ ଏବଂ ମାଝିଗୁଡାର କୋବରାଜକିରାଙ୍କ ନାଁରେ ପୋଷ୍ଟର ମରାଯାଇଛି।</p> <p>ସୂଚନାଯୋଗ୍ୟ, ପୋଷ୍ଟରରେ ଉଲ୍ଲେଖ ଥିବା ଆନନ୍ଦ ନାୟକଙ୍କ ଉପରକୁ ଗତ ୧୫ ତାରିଖରେ ଗୁଳିମାଡ ହୋଇଥିଲା।</p>