ଜନ୍ମଦିନରେ ମୃତ୍ୟୁର ଖେଳ: ଗୋଡ଼ାଗୋଡ଼ି ହୋଇ ଚାଲିଗଲା ଜୀବନ, ଦେଖନ୍ତୁ କେମିତି ଥିଲା ରେସ୍‌

<p>ଭୁବନେଶ୍ୱର/ପୁରୀ(ଓଡ଼ିଶା ରିପୋର୍ଟର):ଜନ୍ମଦିନରେ ମୃତ୍ୟୁର ଖେଳ। ମଉଜରୁ ମୃତ୍ୟୁ।&nbsp; ଅଡି- ବିଏମଡବ୍ଲ୍ୟୁ ରେସ୍ ପାଇଁ ଅକାଳରେ ଝଡ଼ିଗଲା ଜୀବନ। &nbsp;ପୁରୀ-କୋଣାର୍କ ମେରାଇନ୍ ଡ୍ରାଇଭ୍&zwnj;ରେ ଗତ ରାତିରେ ହୋଇଥିବା ଭୟଙ୍କର ଦୁର୍ଘଟଣା ପଛରେ ଚର୍ଚ୍ଚାକୁ ଆସିଛି ଏମିତି କିଛି ଲୋମଟାଙ୍କୁରା କାହାଣୀ। &nbsp;ଦୁର୍ଘଟଣାରେ ଜଣଙ୍କର ମୃତ୍ୟୁ &nbsp;ହେବା ସହ ଅନ୍ୟ ତିନିଜଣ ଗୁରୁତର ଆହତ ହୋଇଛନ୍ତି। ଦ୍ରୁତଗତିର ଭୟଙ୍କର ପରିଣାମ। ପୋଲିସ କହିବା ଅନୁଯାୟୀ ବେପରଓ୍ୱା ଓ ଅତ୍ୟନ୍ତ ଦ୍ରୁତଗତିରେ ଗାଡ଼ି ଚାଳନାରେ ଏସବୁ ଘଟିଗଲା।</p> <p>ଘଟଣାଟି ହେଉଛି ଅଡି ଓ ବିଏମଡବ୍ଲ୍ୟୁ ଭିତରେ ଚାଲିଲା ରେସ୍ । ବାଜି ପଡ଼ିଲା ଯିଏ କୋଣାର୍କ ଆଗେ ପହଞ୍ଚିବ ସିଏ ଦେବ ଟ୍ରିଟ୍ । ଘଣ୍ଟାପ୍ରତି ୨ଶହ କିଲୋମିଟର ସ୍ପିଡ୍&zwnj;ରେ ଦଉଡ଼ୁଥିଲା ବିଏମଡବ୍ଲ୍ୟୁ। ପଛରେ ରେସ୍ ଜିତିବାକୁ ଗୋଡୋଉଥିଲା ଅଡି। &nbsp;ଆଉ ଇଏ ସେଇ ସୌଦାର ଶେଷ ଫଳ। &nbsp;ହେଲେ ଆଶ୍ଚଯର୍ୟର କଥା ଉଦ୍ଧାର କାର୍ଯ୍ୟ ଚାଲିଥିଲା ବେଳେ ଘଟଣା ସ୍ଥଳରୁ ଅଡି ପାର ହୋଇଯାଇଥିଲା।</p> <p>ଭୁବନେଶ୍ୱରର କଳିଙ୍ଗକେଶରୀ ସାମନ୍ତରାୟ ନିଜ ଜନ୍ମଦିନ ମନାଇବାକୁ ବାନ୍ଧବୀ ଓ ଅନ୍ୟ ଦୁଇ ବନ୍ଧୁ ସୁମନ ପାତ୍ର ଓ ନନ୍ଦ କିଶୋର ମହାପାତ୍ରଙ୍କ ସହ ଗତକାଲି ରାତିରେ ପୁରୀ ରାସ୍ତା ଦେଇ କୋଣାର୍କ ଆସୁଥିଲେ ହେଲେ। &nbsp;ଦ୍ରୁତଗତି ପାଇଁ ଅଧାବାଟରେ ହେଲା ଦୁର୍ଘଟଣା। &nbsp;ରାମଚଣ୍ଡୀ ପୋଲିସ, କୋଣାର୍କ ଓ ପୁରୀରୁ ଅଗ୍ନିଶମ ବାହିନୀ ପହଞ୍ଚି ଗୁରୁତର ଆହତ ସମସ୍ତଙ୍କୁ ପୁରୀ ବଡ଼ ମେଡିକାଲ୍ ନେଇଥିଲେ। &nbsp;ହେଲେ ସେଠାରେ ନନ୍ଦକିଶୋରଙ୍କୁ ମୃତ ଘୋଷଣା କରିଥିଲେ ଡାକ୍ତର।</p>