କରୋନା କଟକଣା; ଏଥର ସିତାପଥର ପାହାଡ ଉପରେ ପାଳିତ ହେବନି ମକର ପର୍ବ

ପାରଳାଖେମୁଣ୍ଡି(ଆଦର୍ଶ ପାତ୍ର): ଆଉ ଦିନକ ପରେ ପାଳିତ ହେବ ମକର ସଂକ୍ରାନ୍ତି। ରାଜ୍ୟର ବିଭିନ୍ନ ସ୍ଥାନରେ ଏହାକୁ ଧୁମଧାମର ସହ ପାଳିତ କରାଯାଇଥାଏ। କିନ୍ତୁ ଚଳିତ ବର୍ଷ କରୋନାର କୋପ ଯୋଗୁ ଫିକା ପଡ଼ିବ ଏହି ପର୍ବ ପାଳନ।  ଗଜପତି ଜିଲ୍ଲା ଗୋଷାଣୀ ବ୍ଲକ ଅନ୍ତର୍ଗତ ଗାରବନ୍ଧ ଗ୍ରାମ ନିକଟରେ ଥିବା ସିତାପଥର ପାହାଡ ଉପରେ ପ୍ରତି ବର୍ଷ ପାଳିତ ହେଊଥିବା ପ୍ରସିଦ୍ଧ ମକର ସଂକ୍ରାନ୍ତିକୁ ଚଳିତ ବର୍ଷ ବନ୍ଦ କରି ଦିଆଯିବ। ଏନେଇ ଘୋଷଣା କରିଛି ଜିଲ୍ଲା ପ୍ରଶାସନ।

ସୂଚନାଯୋଗ୍ୟ, ସିତାପଥର ପାହାଡ ଉପରେ ପ୍ରତି ବର୍ଷ ମକର ସଂକ୍ରାନ୍ତିରେ ମକର ଯାତ୍ରା ଅନୁଷ୍ଠିତ ହୋଇଥାଏ। ଗଜପତି, ଗଞ୍ଜାମ ଓ ପଡୋଶୀ ଆନ୍ଧ୍ର ପ୍ରଦେଶରୁ ବହୁ ସଂଖ୍ୟାରେ ଶ୍ରଦ୍ଧାଳୁ ପାହାଡ ଚଢ଼ି ଏହି ଯାତ୍ରାରେ ସାମିଲ୍ ହୋଇଥାନ୍ତି। ହେଲେ ଚଳିତ ବର୍ଷ କୋଭିଡ଼ କଟକଣା ଯୋଗୁଁ ଜିଲ୍ଳା ପ୍ରଶାସନ ଏହି ଯାତ୍ରା ବନ୍ଦ କରିଛି। କେବଳ ସୀମିତ ପୂଜକ ଯାଇ ପୂଜା କରିବେ କିନ୍ତୁ ସାଧାରଣ ଲୋକେ ପାହାଡ ଉପରକୁ ଯିବାକୁ ବାରଣ କରିଛି ଜିଲ୍ଲା ପ୍ରଶାସନ।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।