ସମ୍ବଲପୁର (ସଞ୍ଜୟ ଜେନା): ଜଣେ ନାବାଳକର ଛୁରାମାଡ଼ରେ ଜଣେ ଯୁବକଙ୍କ ମୃତ୍ୟୁ ଘଟିଛି। ସମ୍ବଲପୁର ଜିଲ୍ଲା ବୁର୍ଲାରେ ଘଟିଛି ଏହି ଘଟଣା।
ମୃତ ଯୁବକଙ୍କ ନାଁ ସୁମିତ ଷଣ୍ଢ। ତାଙ୍କ ନାଁରେ ବୁର୍ଲା ଥାନାରେ ଅନେକ ମାମଲା ଥିଲା।
ଗତକାଲି ବିଳମ୍ବିତ ରାତିରେ ବୁର୍ଲା ସହରର ସଦେଇପାଲି ଅଞ୍ଚଳରେ ଏକ ଭୋଜି ଚାଲିଥିଲା। ସେହି ଭୋଜିରେ ମୃତ ସୁମିତ ଓ ଅଭିଯୁକ୍ତ ନାବାଳକ ମଧ୍ୟ ସାମିଲ ହୋଇଥିଲେ। ସେଠାରେ ପୂର୍ବ ଶତ୍ରୁତାକୁ କେନ୍ଦ୍ର କରି ନାବାଳକ ଜଣକ ସୁମିତିକୁ ଛୁରୀ ଭୁସି ଦେଇଥିଲା।
ସୁମିତଙ୍କୁ ତୁରନ୍ତ ବୁର୍ଲା ଡାକ୍ତରଖାନାକୁ ନିଆଯାଇଥିଲା। ତେବେ ଡାକ୍ତର ତାଙ୍କୁ ସେଠାରେ ମୃତ ଘୋଷଣା କରିଥିଲେ। ପୁଲିସ୍ ଅଭିଯୁକ୍ତ ନାବାଳକକୁ ଅଟକ ରଖିଛି ଓ ଘଟଣାର ତଦନ୍ତ କରୁଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।