ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ରାଉରକେଲା(ଓଡିଶା ରିପୋର୍ଟର): ଶଙ୍କରଙ୍କ ବେଳା ଭଲନାହିଁ। ନ ହେଲେ ଏ ଦଶା କ’ଣ ହୋଇଥାନ୍ତା। ଗଲାକାଲି ବେଦୀରେ ମଦ ପିଇ ବାନ୍ତି କଲେ ବୋଲି କନ୍ୟା ବାହା ହେବାକୁ ମନାକଲା। ହେଲେ କ’ଣ ହେଲା କେଜାଣି ଥାନାରେ ସେଇ ମଙ୍ଗୁଳା ଝିଅର ମନ ରାତାରାତି ବଦଳିଗଲା । ଆଉ ଦିହେଁ ପୁଣି ବାହାହେବେ ବୋଲି ଠିକ୍‌ ହେଲା।</p> <p>ଖବରଟା ଚଟ୍‌ପଟା ବୋଲି ଟିଭି, ଖବର କାଗଜ ସବୁଥିରେ ଛାଇଗଲେ ‘‘ମଦୁଆ ବର’’ ଶଙ୍କର। ସମସ୍ତେ ଭାବିଲେ କଥା ଥଣ୍ଡା ପଡିଗଲା। ଯାହାକୁ ନେଇ ଭିନ୍ନ ଭିନ୍ନ ଢଙ୍ଗରେ ଗଣମାଧ୍ୟରେ ପ୍ରକାଶିତ ହେଲା ଖବର । ହେଲେ କିଏ ଜାଣିଥିଲା ତାଙ୍କର ଏ କାରନାମା ତାଙ୍କ ଅତୀତର ଭାନୁମତି ପେଡି ଖୋଲିଦେବ ବୋଲି।</p> <p>ଘଟଣାକୁ ୨୪ ଘଣ୍ଟା ପୁରିନି ପୁଣି ଅଡୁଆଡେ ପଡିଛନ୍ତି ଶଙ୍କର। ସେ କୁଆଡେ ଆଉ ଜଣଙ୍କୁ ଆଗୁରୁ ବାହା ହେଇଥିଲେ । ଏମିତିକି ସେଇ ତଥାକଥିତ ପତ୍ନୀ ଜଣକ ଏବେ କୁଆଡେ ଗର୍ଭବତୀ। ହେଲେ ଶଙ୍କର ବାବୁ ତାଙ୍କୁ ଛାଡି ନୂଆ ସଂସାର କରିବାକୁ ମନ ବଳାଇ ପୁଣି ଧରିଥିଲେ ବରବେଶ।</p> <p>ଏମିତି ଅବାଗିଆ ଅଭିଯୋଗଟିଏ ଆଜି ସକାଳୁ ପାଇବା ପରେ ପୋଲିସ ଚିନ୍ତାରେ ପଡିଥିଲା। ହେଲେ ଅଭିଯୋଗକାରିଣୀ ମହିଳା ଶଙ୍କରଙ୍କ ସହ ତାଙ୍କ ବାହାଘରର ସବୁ ଫଟୋ ଦେଖାଇବା ପରେ ପୋଲିସ ତାଙ୍କ ଘରମୁହଁ ହୋଇଥିଲା। କାଲି ରାତିର ଗଣ୍ଡଗୋଳିଆ ପରିସ୍ଥିତି ପରେ ବାହା ହୋଇ ନୂଆ ପତ୍ନୀଙ୍କୁ ଘରକୁ ଆଣିଥିବା ବେଳେ ପଛେ ପଛେ ପହଞ୍ଚିଥିଲା ପୋଲିସ। ହାତକଡି ପକାଇ ତାଙ୍କୁ ଦୁଆର ମୁହଁରୁ ବାନ୍ଧିନେଲା ଥାନାକୁ। ଶଙ୍କରଙ୍କ ଏ ଜଘନ୍ୟ କାରବାର ସମ୍ପର୍କରେ ଜାଣିବା ପରେ ଗାଁ ଗଣ୍ଡା, ସାହି ପଡିଶା ଏବେ ସବୁ କାବା ହୋଇ କହୁଛନ୍ତି। ସତରେ ଶଙ୍କର ଜଘନ୍ୟ କଳାକାର।</p> <p><a href="http://odishareporter.in/odisha/bride-cancel-marriage-with-drunken-groom/"><span style="color: #ff0000;">ଅଧିକ ଜାଣିବାକୁ ପଢନ୍ତୁ- ବାହା ହେବାକୁ ଆସିଥିଲେ: ଶ୍ୱଶୁରଙ୍କୁ ମାରିଲେ, ବେଦୀମୂଳେ ବାନ୍ତିକଲେ</span></a></p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
