ରାଉରକେଲା(ସତ୍ୟାନନ୍ଦ ମହାନ୍ତି):ରାଉରକେଲା ଗୋପବନ୍ଧୁପାଲି ଅଞ୍ଚଳରେ ଜଣେ ୧୩ ବର୍ଷୀୟ ନାବାଳିକାକୁ ବୁଧବାର ରାତିରେ ଦୁଷ୍କର୍ମ କରାଯାଇଥିବା ଅଭିଯୋଗ ହୋଇଛି। ଏନେଇ ପ୍ଲାଣ୍ଟ ସାଇଟ୍ ଥାନାରେ ଅଭିଯୋଗ ହୋଇଛି । ପୁଲିସ ଅଭିଯୁକ୍ତ ହାବିଲ ହାଂଶକୁ ଗିରଫ କରିଛି ।
ଗତକାଲି ରାତିରେ ନାବାଳିକାର ବାପା ଏବଂ ମା’ ବାହାରକୁ ଯାଇଥିଲେ। ତେବେ ରାତିରେ ଭାଇ-ଭଉଣୀ ଭୟ କରିବାରୁ ଉଭୟଙ୍କୁ ପଡୋଶୀ ଡାକିନେଇଥିଲେ। ଏନେଇ ପଡ଼ୋଶୀ ଜଣକ ପିଲାର ବାପା ମା’ଙ୍କ ସହ କଥା ମଧ୍ୟ ହୋଇଥିଲେ। ଏହା ପରେ ନାବାଳିକା ଏବଂ ତା’ର ୧୦ ବର୍ଷର ଭାଇ ପଡୋଶୀ ଘରେ ଶୋଇଥିଲେ ।
ତେବେ ପଡୋଶୀ ଘର ମାଲିକଙ୍କ ଘରର ଜଣେ ସମ୍ପର୍କୀୟ ରାତିରେ ଅନ୍ଧାରର ସୁଯୋଗ ନେଇ ଉକ୍ତ ନାବାଳିକାକୁ ଅନ୍ୟ ରୁମକୁ ଟେକିନେଇ ଦୁଷ୍କର୍ମ କରିଥିବା ଅଭିଯୋଗ ହୋଇଛି । ଆଜି ତା’ର ମା ଆସି ପ୍ଲାଣ୍ଟସାଇଟ ଥାନାରେ ଏତଲା ଦେବା ପରେ ପୁଲିସ ପୋକ୍ସୋ ଆକ୍ଟରେ ମାମଲା ଦାୟର କରି ଅଭିଯୁକ୍ତକୁ ଗିରଫ କରିଛି ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
