ଧରାପଡ଼ିଲା ଚାଲାକି: ଅଭିଯୋଗକାରୀ ନିଜେ ଚୋର

<p>ବାଲିଗୁଡ଼ା(ଅଜିତ କୁମାର ନାୟକ): ଅଭିଯୋଗକାରୀ ହିଁ ନିଜେ ଲୁଟେରା। ଏଭଳି ଘଟଣା ପୁଣି ନଜରକୁ ଆସିଛି କନ୍ଧମାଳ ଜିଲ୍ଲା ବାଲିଗୁଡ଼ାରେ।</p> <p>ସୂଚନା ଅନୁସାରେ ଗତ ଏପ୍ରିଲ ୩ ତାରିଖରେ ଦାରିଙ୍ଗିବାଡ଼ି ନିକଟ ପଟାଙ୍ଗିରେ ୫ଲକ୍ଷରୁ ଅଧିକ ଟଙ୍କା ଲୁଟ୍ ହୋଇଥିଲା। ଏକ ଘରୋଇ ସ୍କୁଲର ମ୍ୟାନେଜର ଏମ୍&zwnj;.ଡି ନୁରାଲି ଟଙ୍କା ନେଇ ଯାଉଥିବା ବେଳେ କିଛି ଦୁର୍ବୃତ୍ତ ତାଙ୍କଠାରୁ ଟଙ୍କା ଲୁଟି ନେଇଥିବା ସେ ଦାରିଙ୍ଗିବାଡ଼ି ଥାନାରେ ଅଭିଯୋଗ କରିଥିଲେ।</p> <p>ଘଟଣାକୁ ନେଇ ପୋଲିସ ଏକ ମାମଲା ରୁଜୁ କରିବା ସହ ଘଟଣାର ତଦନ୍ତ ଆରମ୍ଭ କରିଥିଲା। ଘଟଣାର ପ୍ରାୟ ମାସେ ପରେ ପୋଲିସ ମାମଲାର ପର୍ଦ୍ଦାଫାସ କରିଛି। ଏହା ପଛରେ ନିଜେ ମ୍ୟାନେଜର ହିଁ ସଂପୃକ୍ତ ଥିବା ସ୍ପଷ୍ଟ କରିଛି ପୋଲିସ୍&zwnj;। ନିଜ ବ୍ୟକ୍ତିଗତ କାମରେ ସ୍କୁଲ ଟଙ୍କା ଖର୍ଚ୍ଚ କରିବା ପରେ ଉକ୍ତ ଟଙ୍କାକୁ ଆତ୍ମସାତ କରିବା ପାଇଁ ନୁରାଲି ଏଭଳି ଯୋଜନା କରିଥିବା ପୋଲିସ ସ୍ପଷ୍ଟ କରିଛି। ଘଟଣା ପଛରେ ତାଙ୍କ ପତ୍ନୀ ତଥା ସ୍କୁଲ ପ୍ରିନ୍ସପାଲଙ୍କ ସଂପୃକ୍ତି ଥିବା ପୋଲିସ ସୂଚନା ଦେଇଛି।</p>