ଟ୍ରକ୍‌ରୁ ମୃତଦେହ ଉଦ୍ଧାର

ରାଜଗାଙ୍ଗପୁର (ଗୌତମ ମିଶ୍ର): ରାଜଗାଙ୍ଗପୁର ନିକଟ କୁନୁମୁର ଛକରେ ରାସ୍ତା କଡ଼ରେ ଠିଆ ହୋଇଥିବା ଏକ ୧୨ ଚକିଆ ଟ୍ରକ୍‌ରୁ ମୃତଦେହ ଉଦ୍ଧାର କରାଯାଇଛି। ତେବେ ମୃତକଙ୍କ ପରିଚୟ ମିଳିପାରି ନାହିଁ।

ଆଜି ସକାଳେ ରାସ୍ତା କଡ଼ରେ ଛତିଶଗଡ଼ର ନମ୍ବର ଥିବା ଏହି ଟ୍ରକ୍‌ ଠିଆ ହୋଇଥିବା ବେଳେ ସେଥିରୁ ପ୍ରବଳ ଗନ୍ଧ ବାହାରୁ ଥିଲା। ସ୍ଥାନୀୟ ଲୋକେ ଟ୍ରକର କବାଟ ଖୋଲିଥିଲେ ଓ ମୃତଦେହଟିକୁ ଠାବ କରିଥିଲେ। ସେମାନେ ଏନେଇ ରାଜଗାଙ୍ଗପୁର ପୁଲିସ୍‌କୁ ଖବର ଦେଇଥିଲେ।

ଟ୍ରକ୍‌ରୁ ମିଳିଥିବା କାଗଜପତ୍ରରୁ ଜଣାପଡ଼ି ଯେ, ଟ୍ରକ୍‌ଟି ଛତିଶଗଡ଼ରୁ ଜିନିଷ ଧରି ରାଉରକେଲା ଯାଉଥିଲା। ଟ୍ରକ୍‌ ଡ୍ରାଇଭର ଫେରାର୍‌ ହୋଇଯାଇଥିବା ପୁଲିସ୍‌ ଅନୁମାନ କରୁଛି। ପୁଲିସ୍‌ ଘଟଣାର ତଦନ୍ତ କରୁଛି।