ଜ୍ୱାଇଁର ଟାଙ୍ଗିଆ ଚୋଟରେ ଶ୍ୱଶୁରଙ୍କ ଜୀବନ ଗଲା

ବୌଦ୍ଧ(ଓଡ଼ିଶା ରିପୋର୍ଟର): ବୌଦ୍ଧ ଜିଲ୍ଲା ସରସରା ଗାଁର ଟିକିରି ସାହିରେ ଜ୍ୱାଇଁର ଟାଙ୍ଗିଆ ଚୋଟରେ ଜଣେ ବ୍ୟକ୍ତିଙ୍କ ମୃତ୍ୟୁ ଘଟିଛି। ମୃତକଙ୍କ ନାଁ ଘୁଣ୍ଡୁ ବାରିକ।

ଜ୍ୱାଇଁ ପଙ୍କଜ ସେଠୀଙ୍କୁ ପୁଲିସ୍‌ ଅଟକ ରଖି ଘଟଣାର ତଦନ୍ତ କରୁଛି।

ସମ୍ଭାବ୍ୟ ବାତ୍ୟା ‘ପେଥାଇ’ ଆସିବା ପୂର୍ବରୁ ବିଲରୁ ଧାନ ଉଠାଇବା ନେଇ ଆଜି ଶ୍ୱଶୁର-ଜ୍ୱାଇଁଙ୍କ ମଧ୍ୟରେ ବଚସା ହୋଇଥିଲା। ବିଲରେ ଏ ବଚସା ହୋଇଥିଲା। ପରେ ବଚସା ଉଗ୍ରରୂପ ନେଇଥିଲା।

ପଙ୍କଜ ରାଗି ଯାଇ ତାଙ୍କ ଶ୍ୱଶୁରଙ୍କୁ ଟାଙ୍ଗିଆରେ ହାଣି ଦେଇଥିଲେ। ଫଳରେ ଘଟଣାସ୍ଥଳରେ ତାଙ୍କର ମୃତ୍ୟୁ ଘଟିଥିଲା।

ପଙ୍କଜଙ୍କୁ ଗାଁ ଲୋକେ କାବୁ କରି ପୁଲିସ୍‌ ଜିମାରେ ଦେଇଥିଲେ।