ନୟାଗଡ଼ (ଓଡ଼ିଶା ରିପୋର୍ଟର): ନୟାଗଡ଼ ଜିଲ୍ଲା ଶରଣକୁଳ ଥାନା ଅନ୍ତର୍ଗତ ଚଢ଼େୟାପଲ୍ଲୀ ଗାଁରେ ଜଣେ ବ୍ୟକ୍ତିଙ୍କୁ ତାଙ୍କ ସାନ ଭାଇ କଟୁରିରେ ହାଣି ହତ୍ୟା କରିଥିବା ଅଭିଯୋଗ ହୋଇଛି। ମୃତକଙ୍କ ନାଁ କୁବେର ସାହୁ।
ଗତକାଲି ବିଳମ୍ବିତ ରାତିରେ କୁବେର ନିଜ ଘର ଛାତ ଉପରେ ଶୋଇଥିବା ବେଳେ ତାଙ୍କ ସାନ ଭାଇ ଧନେଶ୍ୱର ଏକ କଟୁରିରେ ତାଙ୍କୁ ହାଣି ଦେଇଥିଲେ। ପରେ ସେ ଶରଣକୁଳ ଥାନାରେ ଆତ୍ମସମର୍ପଣ କରିଥିଲେ। ପୁଲିସ୍ ତାଙ୍କୁ ଅଟକ ରଖିବା ସହ ହତ୍ୟାରେ କଟୁରିକୁ ଜବତ କରିଛି।
ମୃତ କୁବେରଙ୍କ ପତ୍ନୀ ଫୋନି ସାହୁ ଥାନାରେ ଏକ ଲିଖିତ ଅଭିଯୋଗ କରିଛନ୍ତି। ପୁଲିସ୍ ଓ ସାଇଣ୍ଟିଫିକ ଟିମ୍ ଘଟଣାସ୍ଥଳରେ ପହଞ୍ଚି ତଦନ୍ତ କରିଛନ୍ତି।
ପାରିବାରିକ କଳହରୁ ଏହି ହତ୍ୟାକାଣ୍ଡ ଘଟିଥିବା ପୁଲିସ୍ କହିଛି। ସବୁବେଳେ ପରିବାର ମଧ୍ୟରେ ଗଣ୍ଡଗୋଳ ହେଉଥିଲା। ଶାଶୂ, ଶ୍ୱଶୁର ଏବଂ ଦିଅର ମିଶି ସେମାନଙ୍କୁ ନିର୍ଯାତନା ଦେଉଥିବା ମୃତକଙ୍କ ପତ୍ନୀ ଫୋନି ଅଭିଯୋଗ କରିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
