ନିମ୍ବ ଗଛ ମୂଳରେ ମଣିଷ ଖପୁରୀ; ଲୋକେ ଭୟଭୀତ

<p>ନୀଳଗିରି(ଓଡ଼ିଶା ରିପୋର୍ଟର): ବାଲେଶ୍ୱର ଜିଲ୍ଲା ନୀଳଗିରିର ମିତ୍ରପୁରୁ ରାସ୍ତା ଷ୍ଟେସନ ସାହି ନିକଟରେ ଥିବା ଏକ ନିମ୍ବ ଗଛ ମୂଳରୁ ମଣିଷ ଖପୁରୀ ଜବତ କରାଯାଇଛି। ଖପୁରୀ ନିକଟରେ ନାଲି ଗାମୁଛା, ଚାଉଳ, ମଦବୋତଲ ଓ କଉଡ଼ି ଆଦି ପଡ଼ିଛି। ଫଳରେ କେହି ଗୁଣିଗାରେଡ଼ି କରୁଥିବା ସନ୍ଦେହ କରି ସ୍ଥାନୀୟ ଲୋକେ ଭୟଭୀତ ହୋଇପଡ଼ିଛନ୍ତି। ତେବେ କିଏ ଓ କାହିଁକି ଏଠାରେ ଏସବୁ ପକାଇଛି, ତାହା ସ୍ପଷ୍ଟ ହୋଇନାହିଁ।</p> <p>କିଛି ମାସ ତଳେ ଏହି ଅଞ୍ଚଳରେ ଗୁଣିଗାରେଡ଼ି ସନ୍ଦେହରେ ଏକ ପରିବାରର ମାଆଝିଅଙ୍କୁ ମରଣାନ୍ତକ ଆକ୍ରମଣ କରାଯାଇଥିଲା।</p> <p>ସ୍ଥାନୀୟ ବାସିନ୍ଦା ହରି ସିଂହ କହିଛନ୍ତି,&ldquo;ନିମ୍ବ ଗଛ ମୂଳରେ ମଣିଷ ଖପୁରୀ, ଗାମୁଛା, ଚାଉଳ, ମଦବୋତଲ ଓ କଉଡ଼ି ପଡ଼ିଥିବା ଆମେ ସକାଳୁ ଦେଖିଥିଲୁ। ଏହାକୁ ଦେଖି ଲୋକେ ଭୟଭୀତ ହେଉଛନ୍ତି। କିଏ ଏଠି ଗୁଣି ଗାରେଡି କରିଥିବା ସନ୍ଦେହ କରାଯାଉଛି।&rdquo;</p>