ପାଲଲହଡ଼ା (ଓଡ଼ିଶା ରିପୋର୍ଟର): ନିଜ ଦେହରେ ନିଆଁ ଲଗାଇ ଥାନା ଭିତରେ ପଶିଗଲେ ଯୁବକ। ତାଙ୍କ ଶାର୍ଟ ଜଳୁଥିବା ବେଳେ ତାଙ୍କୁ କାବୁ କରି ନିଆଁ ଲିଭାଇଥିଲା ପୁଲିସ୍। ଏବଂ ତା’ପରେ ଡାକ୍ତରଖାନାରେ ଭର୍ତ୍ତି କରିଥିଲା। ଏମିତି ଏକ ଘଟଣା ଆଜି ଦେଖିବାକୁ ମିଳିଥିଲା ଅନୁଗୋଳ ଜିଲ୍ଲା ପାଲଲହଡ଼ାରେ।
ଏମିତି କାଣ୍ଡ ଘଟାଇଥିବା ଯୁବକ ଜଣଙ୍କ ଈଶ୍ୱର ନଗର ଗାଁର। ଆଜି ଦିନ ୧୧ଟା ବେଳେ ବିଶ୍ୱନାଥ ହାତରେ ଗୋଟିଏ ପତାକା ଧରି ମେଡିକାଲ ଛକରେ ଠିଆ ହୋଇଥିଲେ। ପରେ ଥାନା ରୋଡ୍ରେ ଚାଲି ଚାଲି ଯାଇ ଥାନା ପାଖରେ ପହଞ୍ଚିଥିଲା। ସେଠାରେ ଗେଟ୍ ନିକଟରେ ହଠାତ୍ ନିଜ ଦେହରେ କିରୋସିନ ଢାଳି ନିଆଁ ଲଗାଇ ଦେଇଥିଲେ ଓ ଥାନା ଭିତରକୁ ଚାଲି ଯାଇଥିଲେ। ଥାନାରେ ଉପସ୍ଥିତ ପୁଲିସ୍ କର୍ମଚାରୀ ସଙ୍ଗେ ସଙ୍ଗେ ନିଆଁ ଲିଭାଇ ତାଙ୍କୁ କାବୁ କରିଥିଲେ। ପରେ ତାଙ୍କୁ ଡାକ୍ତରଖାନାରେ ଭର୍ତ୍ତି କରିଥିଲେ। ଯୁବକଙ୍କ ବାମ ହାତ ପୋଡ଼ି ଯାଇଛି।
ମିଳିଥିବା ସୂଚନା ଅନୁଯାୟୀ, ଯୁବକ ଜଣଙ୍କ ପ୍ରେମ ବ୍ୟାପାରକୁ ନେଇ କିଛି ଦିନ ହେବ ଅବସାଦରେ ରହିଥିଲେ। ସେଥିପାଇଁ ଏମିତି ଏକ କାଣ୍ଡ ଆଜି ଘଟାଇ ଦେଇଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
