ରାଉରକେଲା: ସୁନ୍ଦରଗଡ଼ ଜିଲ୍ଲା ମହୁଲପଦା ଥାନା ଅନ୍ତର୍ଗତ ଲୁଙ୍ଗା ଜଙ୍ଗଲରେ ଏକ ମାଓ କ୍ୟାମ୍ପ ଠାବ କରାଯାଇଛି। ରାଉରକେଲା ପୋଲିସର ଏକ ଟିମ୍ କ୍ୟାମ୍ପରେ ଚଢ଼ାଉ କରି ବହୁ ମାଓ ସାମଗ୍ରୀ ଜବତ କରିଛି।
ଜଙ୍ଗଲରେ ମାଓବାଦୀମାନେ ମେଳି ହେଉଥିବା ଖବର ପାଇ ପୋଲିସ୍ ସର୍ଚ୍ଚ ଅପରେସନ କରିଥିଲା। ଏହି ସମୟରେ ମାଓବାଦୀମାନେ କ୍ୟାମ୍ପ ଛାଡ଼ି ଖସି ପଳାଇଥିଲେ। ସେଠାରୁ ପୋଲିସ୍ ବିପୁଳ ପରିମାଣର ଗୁଳିଗୋଳା ସହ ୨ଟି ପିସ୍ତଲ, ଗୋଟିଏ ବନ୍ଧୁକ, ୯ ଏମ୍ଏମ୍ର ଅଫୁଟା ଗୁଳି ଓ ମାଓ ପୁସ୍ତିକା ଜବତ କରିଛି।
ଅନ୍ୟପକ୍ଷରେ ଛତିଶଗଡ଼ ଜଙ୍ଗଲରେ ମାଓବାଦୀ ଏବଂ ସୁରକ୍ଷାକର୍ମୀଙ୍କ ମଧ୍ୟରେ ଗୁଳି ବିନିମୟ ହୋଇଛି। ମାଓବାଦୀଙ୍କ ଗୁଳିରେ ୫ ଯବାନ ଗୁରୁତର ଆହତ ହୋଇଥିବା ସୂଚନା ମିଳିଛି। ଛତିଶଗଡ଼ ସୁକ୍ମା ଜିଲ୍ଲା ଚିନ୍ତାଗୁମ୍ଫାରେ ଏହି ଗୁଳି ବିନିମୟ ହୋଇଥିବା ଜଣାପଡ଼ିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
