ଗାଁରେ ଜଳିଲା ସହିଦଙ୍କ ଚିତା: ଜନ ସମୁଦ୍ର ଭିତରେ ବାପାକୁ ଦେଖିଲା ୪ ବର୍ଷର ପୁଅ

<p>ରାଉରକେଲା (ଓଡ଼ିଶା ରିପୋର୍ଟର): ସହିଦ ପ୍ରଦୀପ ପଣ୍ଡାଙ୍କ ମରଶରୀର ପହଞ୍ଚିବା ପରେ ରାଜଗାଙ୍ଗପୁର ପାଲଟି ଯାଇଥିଲା ଜନସମୁଦ୍ର। ସମସ୍ତଙ୍କ ଆଖିରେ ଥିଲା ଲୁହ। କାନ୍ଦ ବୋବାଳିରେ ଫାଟି ପଡ଼ୁଥିଲା ସମଗ୍ର ପରିବେଶ। ସହିଦ ଅମର ରମେ ଧ୍ୱନୀରେ ସମଗ୍ର ପରିବେଶ ପ୍ରକମ୍ପିତ ହେଉଥିଲା। ସହିଦଙ୍କୁ ଶେଷ ଦର୍ଶନ କରିବା ପାଇଁ ଲାଗିଥିଲା ଭିତ। ଭିଡ଼ ଭିତରୁ ବୀର ସହିଦ ବାପାକୁ ଶେଷ ଦର୍ଶନ କରିବାକୁ ଆସିଥିଲା ୪ ବର୍ଷର ପୁଅ। ଯାହା ଥିଲା ଅତ୍ୟନ୍ତ ହୃଦୟ ବିଦାରକ। ମନ ଭିତରେ ଥିବା କୋହକୁ ପରିପ୍ରକାଶ କରିପାରୁନଥିଲେ ମଧ୍ୟ ମୁହଁ ସବୁ କିଛି ପ୍ରରିପ୍ରକାଶ କରୁଥିଲା। ସତେ ଯେମିତି ମନେ ମନେ କହୁଥିଲା- ବାପା ତୁମେ ଫେରିଆସ। କିନ୍ତୁ ସେ ଜାଣିନାହିଁ ତାଙ୍କ ବାପା ଯେଉଁ ଦୁନିଆକୁ ଯାଇଛନ୍ତି, ଆଉ କେବେ ଫେରିପାରିବେ ନାହିଁ। ଏହା ତାଙ୍କର(ବାପା) ଶେଷ ଯାତ୍ରା। ଦେଶ ପାଇଁ ସେ ସହିଦ ହୋଇଛନ୍ତି।</p><p>&lt;a href=&quot;&quot;&gt;(image) &lt;/a&gt;ସୁନ୍ଦରଗଡ଼ ଜିଲ୍ଲାର ରାଜଗାଙ୍ଗପୁରରେ ଆଜି ସକାଳ ୯ଟା ବେଳେ ପହଞ୍ଚିଥିଲା ସହିଦ ପ୍ରଦୀପ ପଣ୍ଡାଙ୍କ ମରଶରୀର। ସେଠାରେ ତାଙ୍କ ମରଶରୀରକୁ ଶୋଭାଯାତ୍ରାରେ ସହର ପରିକ୍ରମା କରାଯାଇ ନଜ ଗାଁ ଲିପଲୋଇକୁ ନିଆଯାଇଥିଲା। ଏଥିରେ ସାମିଲ ହୋଇଥିଲେ ହଜାର ହଜାର ଜନତା। ପ୍ରଦୀପଙ୍କ ମରଶରୀର ଗାଁରେ ପହଞ୍ଚିବା ପରେ କାନ୍ଦ ବୋବାଳିରେ ଫାଟି ପଡୁଥିଲା ଦାଣ୍ଡ। ଘରେ ମରଶରୀରକୁ କିଛି ସମୟ ରଖିବା ପରେ ଗାଁ ଶ୍ମଶାନକୁ ନିଆଯାଇଥିଲା। ସହିଦଙ୍କ ମରଶରୀକୁ କାନ୍ଧ ଦେଇଥିଲେ ସେନାରେ କାର୍ଯ୍ୟରତ ବଡ଼ ଭାଇ ଦିଲ୍ଲୀପ। ଶେଷରେ ପଞ୍ଚଭୂତରେ ବିଲୀନ ହେଲେ ବୀର ସହିଦ ପ୍ରଦୀପ। ପୂର୍ଣ୍ଣ ରାଷ୍ଟ୍ରୀୟ ମର୍ଯ୍ୟାଦା ସହକାରେ ହୋଇଛି ସହିଦଙ୍କ ଶେଷକୃତ୍ୟ। ପଶ୍ଚିମଞ୍ଚଳ ଡ଼ିଆଇଜି କବିତା ଜଲନ, ସିଆରପିଏଫ୍&zwnj; ଡ଼ିଆଇଜି ବିରେନ୍ଦ୍ର ଶର୍ମା, ସୁନ୍ଦରଗଡ଼ ଜିଲ୍ଲାପାଳ ବିନୀତ ଭରଦ୍ୱାଜ, ସୁନ୍ଦରଗଡ଼ ଏସ୍&zwnj;ପି ପିନାକ ମିଶ୍ରଙ୍କ ସମେତ ସିଆରପିଏଫ୍&zwnj; ଯବାନ ଓ ଓଡିଶା ପୋଲିସ ଯବାନ ଉପସ୍ଥିତ ସହିଦଙ୍କୁ ତୋପ ସଲାମୀ ଦିଆଯାଇଥିଲା। ଦେଶ ଲାଗି ପ୍ରଦୀପ ଦେଇଥିବା ବଳିଦାନ ବ୍ୟର୍ଥ ଜୀବନାହିଁ ବୋଲି ଜିଲ୍ଲାପାଳ କହିଛନ୍ତି।</p><p>ଗତ ଶନିବାର ଜାମ୍ମୁ-କାଶ୍ମୀରର ପୁଲଓ୍ୱାମାରେ ଆତଙ୍କବାଦୀଙ୍କ ସହ ସଂଘର୍ଷବେଳେ ସହିଦ ହୋଇଥିଲେ ପ୍ରଦୀପ। ତେବେ ପୂର୍ବରୁ ସେ ଅନେକ ଥର ଏଭଳି ସଂଘର୍ଷରେ ସଫଳତା ପାଇଥିଲେ। ଏମିତିକି ସାହସିକତା ପାଇଁ ଗତ ସ୍ୱାଧୀନତା ଦିବସରେ ତାଙ୍କୁ ପୋଲିସ ମେଡାଲ ମଧ୍ୟ ମିଳିଥିଲା।</p><p>https://youtu.be/ynW5BE7R7Jw</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।