ଏବେ ହେବନି ୟୁଜି, ପିଜି ପରୀକ୍ଷା

ଭୁବନେଶ୍ୱର(ଓଡ଼ିଶା ରିପୋର୍ଟର): ଏବେ ୟୁଜି ଓ ପିଜି ପରୀକ୍ଷା କରାଯିବ ନାହିଁ। ଏନେଇ ସମସ୍ତ କୁଳପତି ଓ ଅଧ୍ୟକ୍ଷଙ୍କୁ ଉଚ୍ଚଶିକ୍ଷା ସଚିବଙ୍କ ଚିଠି ଲେଖିଛନ୍ତି। ମହାମାରୀ କରୋନା ପାଇଁ ପିଲାମାନେ ବର୍ତ୍ତମାନ ଅନ୍‌ଲାଇନ୍‌ରେ ପାଠ ପଢ଼ୁଛନ୍ତି। ପିଲାମାନେ ଅନଲାଇନ ପାଠ ପଢ଼ୁଥିବାରୁ ଏବେ ପରୀକ୍ଷା କରିବା ଉଚିତ ହେବନି। ତେଣୁ କ୍ଲାସରୁମ୍‌ ପାଠପଢ଼ା ଓ ସିଲାବସ ସରିବା ପରେ ପରୀକ୍ଷା ନେଇ ବିଚାର କରାଯାଉଥିବା ଉଚ୍ଚଶିକ୍ଷା ସଚିବ ଚିଠିରେ ଉଲ୍ଲେଖ ରଖିଛନ୍ତି।

ଡିସେମ୍ୱର ମାସରେ କରୋନାର ଦ୍ୱିତୀୟ ଲହରୀ ଆସିବାର ସମ୍ଭାବନା ରହିଛି। ସେଥିପାଇଁ ରାଜ୍ୟ ସରକାର ଶିକ୍ଷାନୁଷ୍ଠାନ ଖୋଲିବାକୁ ନିଷ୍ପତ୍ତି ନେଇପାରିନଥିଲେ। ସ୍କୁଲ ଓ କଲେଜ ଖୋଲିବା ନିଷ୍ପତ୍ତି ନିଜ ବିଭାଗ ଉପରେ ଛାଡ଼ି ଥିଲେ ରାଜ୍ୟ ସରକାର। ବିଭିନ୍ନ ପକ୍ଷଙ୍କ ସହ ଆଲୋଚନା ଓ ଏସ୍ଓପି କରି କରି ଶିକ୍ଷାନୁଷ୍ଠାନ ଖୋଲିବାକୁ ଗାଇଡ୍‌ଲାଇନରେ କୁହାଯାଇଥିଲା। ହେଲେ ସମ୍ପୃକ୍ତ ବିଭାଗ ଶିକ୍ଷାନୁଷ୍ଠାନ ଖୋଲିବା ପାଇଁ ଆଜି ପର୍ଯ୍ୟନ୍ତ ନିଷ୍ପତ୍ତି ନେଇପାରି ନାହାନ୍ତି। ଜାନୁଆରୀରୁ ଶିକ୍ଷାନୁଷ୍ଠାନ ଖୋଲା ଯାଇପାରେ ବୋଲି ଅନୁମାନ କରାଯାଉଛି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।