ଭୁବନେଶ୍ୱର(ଓଡ଼ିଶା ରିପୋର୍ଟର): ନୟାଗଡ଼ ‘ପରୀ’ ଘଟଣାର ଏସ୍ଆଇଟି ତଦନ୍ତ ନିର୍ଦ୍ଦେଶ ଦେଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ଏଥିରେ ଦ୍ୱନ୍ଦ୍ୱ ଥିବା କହିଛନ୍ତି ବିଜେପିର ବରଷ୍ଠ ବିଧାୟକ ଜୟନାରାୟଣ ମିଶ୍ର। ମୁଖ୍ୟମନ୍ତ୍ରୀ SIT ତଦନ୍ତ ପାଇଁ ଘୋଷଣା କରିନାହାନ୍ତି। ଆବଶ୍ୟକ ପଡ଼ିଲେ SIT ତଦନ୍ତ କରାଯିବ ବୋଲି ମୁଖ୍ୟମନ୍ତ୍ରୀ କହିଥିବା ଜୟନାରାୟଣ ଗଣମାଧ୍ୟମକୁ କହିଛନ୍ତି।
ସେପଟେ ଅପରାହ୍ନ ଅଧିବେଶନରେ ପୁଣି ଥରେ ‘ପରୀ’ ହତ୍ୟା ପ୍ରସଙ୍ଗ ଉଠିଲା। ଏହି ପ୍ରସଙ୍ଗ ଉଠାଇ ବିଜେପି ସଦସ୍ୟମାନେ ଗୃହର ମଧ୍ୟ ଭାଗକୁ ଆସି ହୋହଲ୍ଲା କରିଥିଲେ। ନୟାଗଡ଼ ‘ପରୀ’ ହତ୍ୟା ଘଟଣାର SIT ଗଠନ ନିଷ୍ପତ୍ତି ହୋଇନି ବୋଲି କହିଲେ ବିରୋଧୀଦଳ ନେତା ପ୍ରଦୀପ୍ତ ନାଏକ।
ସେ କହିଛନ୍ତି, ମୁଖ୍ୟମନ୍ତ୍ରୀଙ୍କ ବିବୃତିରୁ ଏହା ଜଣାପଡ଼ୁଛି। ସରକାର ଘଟଣା ଉପରେ ଗୁରୁତ୍ୱ ଦେଉ ନାହାନ୍ତି। ଆମେ CBI ତଦନ୍ତ ଓ ମନ୍ତ୍ରୀଙ୍କ ଇସ୍ତଫା ଦାବି କରୁଛୁ ବୋଲି ଶ୍ରୀ ନାଏକ କହିଛନ୍ତି। BJP ସଦସ୍ୟଙ୍କ ହଟ୍ଟଗୋଳ ପାଇଁ ଆସନ୍ତାକାଲି ପର୍ଯ୍ୟନ୍ତ ଗୃହ ମୁଲତବି ଘୋଷଣା କଲେ ବାଚସ୍ପତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
