କନକ ଝିଅ ଗଲା କୁଆଡ଼େ, ଓଟିଭି କାଇଁ ? ଦେଖନ୍ତୁ ଭିଡିଓ

<p>ଭୁବନେଶ୍ୱର,(ଓଡ଼ିଶା ରିପୋର୍ଟର): ବିବାଦୀୟ ଗାୟିକା ସୋନା ମହାପାତ୍ରଙ୍କ &lsquo;ଆହେ ନୀଳ ଶଇଳ&rsquo;ଗୀତ ପରିବେଷଣକୁ ନେଇ ସବୁଠି ଚର୍ଚ୍ଚାର ବିଷୟ ପାଲଟିଥିବା ବେଳେ ଏବେ ଏହା ରାଜନୈତିକ ପ୍ଲାଟଫର୍ମରେ ପହଞ୍ଚି ଯାଇଛି। ଭକ୍ତ ସାଲବେଗଙ୍କ ଏହି &nbsp;ଭାବାବେଗପୂର୍ଣ୍ଣ ଗୀତଟିକୁ ସୋନା ଯେଉଁଭଳି ଭାବେ ବିକୃତ ଓ କଦର୍ଥ କରି ପରିବେଷଣ କଲେ ତାହା ରାଜନୈତିକ ହଟଚମଟ ସୃଷ୍ଟି କରିଛି। &nbsp;କେହି କେହି ସୋନା ମହାପାତ୍ରଙ୍କୁ ସମର୍ଥନ କରିଥିବା ବେଳେ ଆଉ କେହି ବିରୋଧ କରି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଟାର୍ଗେଟ କରିଛନ୍ତି।&nbsp; ନବୀନ ମଧ୍ୟ ଓଡ଼ିଆ ଭାଷାକୁ ବିକୃତ କରି କହୁଥିବା କହି ସୋନାଙ୍କ ସପକ୍ଷରେ ଅନେକ ଯୁକ୍ତି ବାଢିଛନ୍ତି। ତେବେ ଏହାକୁ ନେଇ ଗଣମାଧ୍ୟମରେ&nbsp; ବାଇଟ୍&zwnj; ଦେବା ପାଇଁ &nbsp;ପିସିସି ସଭାପତି ନିରଞ୍ଜନ ପଟ୍ଟନାୟକ ଯେଉଁଭଳି ଭାବେ ଉତ୍କଣ୍ଠା ଦେଖାଇଛନ୍ତି ତାହା ଖୁବ୍&zwnj; ରୋଚକ ପୂର୍ଣ୍ଣ। ରାଜ୍ୟ କଂଗ୍ରେସରେ ମଙ୍ଗୁଆଳ ହେବା ପରେ ପୂରା ଫର୍ମ ଏବଂ ଦମରେ ଅଛନ୍ତି ନିରଞ୍ଜନ।</p><p>ସୋସିଆଲ ମିଡିଆଠାରୁ ଆରମ୍ଭ କରି ଟିଭି, ପେପରରେ ଏକଦମ ଆକ୍ଟିଭ ଅଛନ୍ତି ସେ। ତେବେ ତାଙ୍କ ଉତ୍ସୁକତାର ଝଲକ ଗତକାଲି&nbsp; ଦେଖିବାକୁ ମିଳିଥିଲା।&nbsp; ଟିଭିରେ ବାଇଟ୍ ପାଇଁ ସେ କେମିତି ବ୍ୟାକୁଳ ହେଉଛନ୍ତି ତାହା ଆପଣ ନ ଦେଖିଲେ ବିଶ୍ୱାସ କରିପାରିବେ ନାହିଁ। ଏହି ପ୍ରସଙ୍ଗରେ ଯେତେବଳେ ଗଣମାଧ୍ୟମ ପ୍ରତିନିଧିମାନେ ତାଙ୍କ ମତାମତ ଆଣିବାକୁ ଯାଇଥିଲେ ସେ ସଙ୍ଗେ କନକ ଟିଭି ଏବଂ ଓଟିଭିକୁ ଖୋଜିଥିଲେ। କହିଥିଲେ &ldquo;ଓଟିଭି କାଇଁ। କନକ ଟିଭି କାଇଁ। ସେ କନକ ଝିଅ ଗଲା କୁଆଡ଼େ&rdquo;। ଏହାକୁ ନେଇ ସେଠାରେ କୌତୁହଳ ସୃଷ୍ଟି କରିଥିଲା। &nbsp;&nbsp;ଆପଣଙ୍କ ମନରେ ପ୍ରଶ୍ନ ଆସୁଥିବ ପାଖରେ ବହୁ ପ୍ରିଣ୍ଟ ଓ ବୈଦ୍ୟୁତିକ ଗଣମାଧ୍ୟମ ପ୍ରତିନିଧିମାନେ ଥିଲା ବେଳେ &nbsp;ନିରଞ୍ଜନ ହଠାତ୍&zwnj; କାହିଁକି ଓଟିଭି ଓ କନକଟିଭିକୁ &nbsp;ଖୋଜିଲେ। କଥା ହେଉଛି ବାବୁ ନିରଞ୍ଜନ ହେଉଛନ୍ତି ପୁରୁଣା ଖେଳାଳି। ତାଙ୍କୁ ସବୁ ଜଣା।&nbsp; ସେ ଟିଭିର ଟିଆରପି ହେଉ କି ପେପରର ସାର୍କୁଲେସନ ହେଉ। ଏହା ଯେତେ ସିକ୍ରେଟ୍&zwnj; ରହିଲେ ମଧ୍ୟ ସବୁ ଖବର ତାଙ୍କ ପାଖରେ ।</p><p>ସେହିପରି &nbsp;ଆଉ ଏକ କାରଣ ହେଉଛି ଓଟିଭିକୁ ନିକଟରେ ଅଘୋଷିତ ଭାବେ ରାଜ୍ୟ ସରକାର ନିଜର ବିରୋଧୀ ଚେନାଲ ଭାବେ ଘୋଷଣା କରିଥିବା ବେଳେ କନକ ହେଉଛି ତାଙ୍କ ପରିବାରର। ଆଗକୁ ସାଧାରଣ ନିର୍ବାଚନ ଆସୁଥିବା ବେଳେ ଏହି ଦୁଇଟି ଚେନାଲକୁ&nbsp; ଦୃଷ୍ଟିକୁ ଦେଇ ନିରଞ୍ଜନଙ୍କ ଯୋଜନା ଅନେକ ଥିବା ଚର୍ଚ୍ଚା ହେଉଛି। ତେବେ ସୋନାମହାପାତ୍ରଙ୍କ ପ୍ରସଙ୍ଗରେ ସେ ତାଙ୍କୁ ସମର୍ଥନ କରି ନବୀନଙ୍କୁ ଟାର୍ଗେଟ କରିଥିଲେ।</p><p>&amp;nbsp;</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।