ନୟାଗଡ଼: ନୟାଗଡ଼ର ରଣପୁରରେ ଆଇନମନ୍ତ୍ରୀ ଅରୁଣ ସାହୁଙ୍କୁ କଳାପତାକା ଦେଖାଇବାକୁ ଉଦ୍ୟମ କରୁଥିବା ବେଳେ ୬ ଜଣ ବିଜେପି କର୍ମୀଙ୍କୁ ପୋଲିସ୍ ଅଟକ ରଖିଛି। ରଣପୁର ତାରିଆରେ ଆଜି ମନ୍ତ୍ରୀ ଅରୁଣ ସାହୁ ବିଜୁ ଶତବାର୍ଷିକୀ ପାଳନ ଉତ୍ସବରେ ଯୋଗ ଦେବାକୁ ଯାଉଥିବା ବେଳେ ରଣପୁର ନିକଟରେ କିଛି ବିଜେପି କର୍ମୀ ମନ୍ତ୍ରୀଙ୍କୁ କଳାପତାକା ଦେଖାଇବାକୁ ଉଦ୍ୟମ କରିଥିଲେ।
ମନ୍ତ୍ରୀ ଅରୁଣ ସାହୁ କହିଛନ୍ତି, “ଜଣେ ସ୍ୱାଧୀନତା ସଂଗ୍ରାମୀଙ୍କୁ ଶ୍ରଦ୍ଧାଞ୍ଜଳି ଦେଲାବେଳେ ଏଭଳି ଉଦ୍ୟମ କରିବା ଅରୁଚିକର ମାନସିକତାର ପରିଚୟ। ବିଜୁ ବାବୁଙ୍କ ଶତବାର୍ଷିକୀରେ ଉତ୍ସାହର ସହ ହଜାର ହଜାର ଲୋକ ଯୋଗ ଦେଇଥିଲେ। ଏହା ସଫଳତାର ସହ ଶେଷ ହୋଇଛି। କିଏ କଳା ପତାକା ଦେଖାଇଛି ଆମ ପାଖରେ ଖବର ନାହିଁ।”