ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ପୁରୀ (ମଧୁସୂଦନ ମିଶ୍ର): ଘୋଷଯାତ୍ରା ଦିନ ପୁରୀରେ ଟେଲିଭିଜନ୍‌ ଅଭିନେତ୍ରୀ ମାହିକା ଶର୍ମାଙ୍କୁ ଦୁର୍ବ୍ୟବହାର କରାଯାଇଥିବା ଅଭିଯୋଗ ହୋଇଛି। ଏନେଇ ନିଜ ଇନ୍‌ଷ୍ଟାଗ୍ରାମ୍‌ ପେଜ୍‌ରେ କ୍ଷୋଭ ପ୍ରକାଶ କରିଛନ୍ତି ମାହିକା।</p> <p>ସେ ଲେଖିଛନ୍ତି,“ସକାଳ ପ୍ରାୟ ୬ଟା ବେଳେ ମୁଁ ମହାପ୍ରଭୁଙ୍କ ଦର୍ଶନ ପାଇଁ ଶ୍ରୀମନ୍ଦିର ଯାଉଥିଲି। କିଛି ଯୁବକ ମୋତେ ଘେରି କମେଣ୍ଟ୍‌ ମାରିବା ସହିତ ଧକ୍କା ମାରିଥିଲେ। ଏପରିକି ଚାପୁଡ଼ା ମାରିବା ପାଇଁ ଉଦ୍ୟମ କରିଥିଲେ। ଏହାପରେ ମୁଁ ଆଉ ମହାପ୍ରଭୁଙ୍କୁ ଦର୍ଶନ ନକରି ହୋଟେଲ୍‌କୁ ଫେରି ଆସିଥିଲି।”</p> <p>ତେବେ ଏହି ଘଟଣା ସଂପର୍କରେ ସେ ପୁଲିସ୍‌ରେ ଅଭିଯୋଗ କରିନାହାନ୍ତି। ତାଙ୍କ ସହ ଯାହା ହୋଇଛି ତାର ଉଚିତ୍ ନ୍ୟାୟ ପ୍ରଭୁ ଜଗନ୍ନାଥ ଦେବେ ବୋଲି ମାହିକା ତାଙ୍କ ପୋଷ୍ଟ୍‌ରେ ଲେଖିଛନ୍ତି।</p> <p>ଏ ଘଟଣା ସମ୍ପର୍କରେ ପୁରୀ ଏସ୍‌ପି କହିଛନ୍ତି,“ଇନ୍‌ଷ୍ଟାଗ୍ରାମ୍‌ ଜରିଆରେ ମାହିକାଙ୍କୁ ତଥ୍ୟ ମଗାଯାଇଛି। ଘଟଣା ସମ୍ପର୍କରେ ତଥ୍ୟ ମିଳିଲେ ଏହାର ତଦନ୍ତ କରାଯିବ।”</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
