ମଙ୍ଗଳବାର କଟକ-ଭୁବନେଶ୍ୱରରେ ଗଡ଼ିବନି ‘ମୋ ବସ୍‌’

ଭୁବନେଶ୍ୱର(ଓଡ଼ିଶା ରିପୋର୍ଟର): ଆସନ୍ତାକଲି କଟକ-ଭୁବନେଶ୍ୱରରେ ଗଡ଼ିବନି ମୋ ବସ୍‌। ଚାଷୀ ଆନ୍ଦୋଳନ ଓ ଭାରତ ବନ୍ଦକୁ ଦୃଷ୍ଟିରେ ରଖି ‘ମୋ ବସ’ ନଚଳାଇବାକୁ କ୍ୟାପିଟାଲ୍‌ ରିଜିୟନ୍‌ ଅର୍ବାନ ଟ୍ରାନ୍ସପୋର୍ଟ‌(ସିଆର୍‌ୟୁଟି) ପକ୍ଷରୁ ନିଷ୍ପତ୍ତି ନିଆଯାଇଛି। ଯାତ୍ରୀଙ୍କ ଅବଗତି ନିମନ୍ତେ କ୍ରୁଟ ପକ୍ଷରୁ ଟ୍ୱିଟ୍‌ କରି ସୂଚନା ଦିଆଯାଇଛି।

କୃଷି ଆଇନକୁ ବିରୋଧ କରି ବିଭିନ୍ନ ଚାଷୀ ସଂଗଠନ ପକ୍ଷରୁ ମଙ୍ଗଳବାର ‘ଭାରତ ବନ୍ଦ’ ଡାକରା ଦିଆଯାଇଛି। ଚାଷୀଙ୍କ ଏହି ଆନ୍ଦୋଳନକୁ ବିଭିନ୍ନ ରାଜନୈତିକ ଦଳ ସମର୍ଥନ ଜଣାଇଛନ୍ତି। ଓଡ଼ିଶାରେ କଂଗ୍ରେସ ଓ ବାମ ଦଳ ଆନ୍ଦୋଳନକୁ ସମର୍ଥନ ଦେଇଛି। କିନ୍ତୁ ଶାସକ ବିଜେଡି ଆନ୍ଦୋଳନ ନେଇ ମୁହଁ ଖୋଲି ନାହିଁ। ତେବେ ବନ୍ଦକୁ ଦେଖି କ୍ରୁଟ୍‌ ତା’ର ସମସ୍ତ ରୁଟ୍‌ରେ ବସ୍‌ ଚଳାଚଳ ନକରିବାକୁ ନିଷ୍ପତ୍ତି ନେଇଛି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।