କିସ୍‌କୁ ପାଠ ପଢ଼ିବାକୁ ଆସି ଫେରିନି ପୁଅ, ଚାହିଁବସିଛି ମାଆ

<p>ମାଲକାନଗିରି(ଜିତେନ୍ଦ୍ର ବେଉରା/ଟି.ଗୌରୀଶଙ୍କର): ପୁଅର ଫେରିବା ବାଟକୁ ଚାହିଁ ଚାହିଁ ଶୁଖି ଗଲାଣି ମାଆ ଆଖିର ଲୁହ। ହେଲେ ନା ଫେରୁଛି ପୁଅ, ନା ଫେରିବ ବୋଲି କିଏ ଆଶ୍ୱାସନା ଦେଉଛି। ଇତି ମଧ୍ୟରେ ତିନି ବର୍ଷ ବିତି ଗଲାଣି। ଏମିତି ପୁଅର ଆସିବା ବାଟକୁ ଚାତକ ପରି ଚାହିଁ ରହିଛନ୍ତି ମାଲକାନିଗିରି ବଣ୍ଡାଘାଟି ଦାନ୍ତିପଡ଼ାର ବଣ୍ଡା ମହିଳା।</p><p>ଗରିବ ଆଦିବାସୀ ଛାତ୍ରଛାତ୍ରୀଙ୍କୁ ମାଗଣାରେ ଶିକ୍ଷାଦାନ ପାଇଁ ବିଜେଡି ସାଂସଦ ଅଚ୍ୟୁତ ସାମନ୍ତ ପ୍ରତିଷ୍ଠା କରିଛନ୍ତି କିସ୍ ବିଶ୍ୱବିଦ୍ୟାଳୟ। ଏଠାରେ ମାଗଣାରେ ରହି ପାଠ ପଢ଼ି ଭବିଷ୍ୟତ ଗଢ଼ୁଛନ୍ତି ଗରିବ ଆଦିବାସୀ ଛାତ୍ରଛାତ୍ରୀ। ସେହି ଆଶାରେ କିସ୍&zwnj;କୁ ପାଠ ପଢ଼ିବା ପାଇଁ ଦୁର୍ଗମ ମାଲକାନଗିରିରୁ ଆସିଥିଲେ ବାପ ଛେଉଁଣ୍ଡ ରାମଚନ୍ଦ୍ର। ନିଜ ଗାଁ ସ୍କୁଲରେ ପଞ୍ଚମ ପାସ୍ ପରେ ବଣ୍ଡା ଉନ୍ନୟନ ସଂସ୍ଥା ଜରିଆରେ ରାମଚନ୍ଦ୍ର କିସ୍&zwnj; ଆସିଥିଲେ। ପ୍ରତିବର୍ଷ ଖରା ଛୁଟିରେ ସେ ଗାଁକୁ ଯାଉଥିଲେ। ୨୦୧୫ ମସିହାରେ ନବମ ପରୀକ୍ଷା ସରିବା ପରେ କିନ୍ତୁ ଘରକୁ ଆସିନଥିଲେ। ଏହାକୁ ନେଇ ପରିବାର ଲୋକେ ବ୍ୟତିବସ୍ତ ହୋଇପଡ଼ିଥିଲେ। ରାମଚନ୍ଦ୍ରଙ୍କ ମାଆ ବଣ୍ଡା ଭାଷା ଛଡ଼ା ଅନ୍ୟ କୌଣସି ଭାଷା ଜାଣିନଥିଲେ। ସେଥିପାଇଁ ପୁଅକୁ ଖୋଜିବାକୁ ଯାଇପାରିନଥିଲେ। ତେଣୁ ସମ୍ପର୍କୀୟମାନେ ପୁଅକୁ ଖୋଜିବା ପାଇଁ ଭୁବନେଶ୍ୱର କିସ୍ ଯାଇଥିଲେ। ମାତ୍ର ରାମଚନ୍ଦ୍ର ଏଠାରେ ନଥିବା କହିଥିଲେ କିସ୍ କର୍ତ୍ତୃପକ୍ଷ।</p><p>&lt;a href=&quot;&quot;&gt;(image) &lt;/a&gt;ନିଖୋଜ ରାମଚନ୍ଦ୍ରଙ୍କ ଦାଦା ସୁକୁରା ମୁନ୍ଦ୍ର କହିଛନ୍ତି-&ldquo;ଆମେ ଗରିବ ଲୋକ। କ&rsquo;ଣ କରିବୁ। ପୁତୁରାକୁ ଖୋଜିବା ପାଇଁ ୩ ଥର ଭୁବନେଶ୍ୱର ଯାଇଥିଲୁ। ମାତ୍ର ନିରାଶ ହୋଇ ଫେରିଲୁ। ସେଠାରେ ସେ ନାହିଁ ବୋଲି କିସ୍&zwnj; କର୍ତ୍ତୃପକ୍ଷ କହିଥିଲେ।&rdquo;</p><p>ରାମଚନ୍ଦ୍ର ନିଖୋଜ ହେବାକୁ ୩ ବର୍ଷ ବିତିଲାଣି। ହେଲେ ଏହି ବାବଦରେ ବଣ୍ଡା ଉନ୍ନୟନ ସଂସ୍ଥା ନା କିସ୍ କର୍ତ୍ତୃପକ୍ଷ କାହାରି ନିଘା ନାହିଁ। ଏଣେ ଦୁର୍ଗମ ବଣ୍ଡାଘାଟିରେ ରହୁଥିବା ନିରୀହ ପରିବାର ପାଖରେ ଖୋଜିବା ପାଇଁ ଶକ୍ତି ମଧ୍ୟ ନାହିଁ। ଅନ୍ୟପକ୍ଷରେ ଶିକ୍ଷାନୁଷ୍ଠାନରୁ ଛାତ୍ର ନିଖୋଜ ଅଭିଯୋଗକୁ ଅସ୍ୱୀକାର କରିଛନ୍ତି କିସ୍&nbsp; କର୍ତ୍ତୃପକ୍ଷ। ଛାତ୍ର ଜଣକ ଖରା ଛୁଟିରେ ଘରକୁ ଯାଇ ପାରିବାରିକ ଝଗଡ଼ା ପରେ କେଉଁଆଡେ ଚାଲିଯାଇଥିବା କହିଛନ୍ତି କିସ୍ କର୍ତ୍ତୃପକ୍ଷ। ସେପଟେ ବଣ୍ଡା ଉନ୍ନୟନ ସଂସ୍ଥା ଅଧିକାରୀ କହିଛନ୍ତି, ଛାତ୍ର ନିଖୋଜ ସଂପର୍କରେ ସେମାନଙ୍କ ପାଖରେ ଖବର ନାହିଁ।</p><p>https://youtu.be/WJzbNnQ3uiM</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।