ମା’ର ଅନାବିଳ ସ୍ନେହର ଅପୂର୍ବ ନିଦର୍ଶନ: ଦୁଇ ଦିବ୍ୟାଙ୍ଗ ପୁଅ ପାଇଁ ଜୀବନକୁ ଉତ୍ସର୍ଗ କରିଛନ୍ତି ଭଗବତୀ

<p>ଉଦଳା(ମାନସ ପାଣି):ମା&rsquo; ସର୍ବସଂହା। ମା&rsquo; ଧୈର୍ଯ୍ୟମୟୀ। ସନ୍ତାନର ଟିକିଏ କଷ୍ଟ ସହି ପାରୁ ନଥିବା ଏବଂ ପ୍ରତି ମୁହୂର୍ତ୍ତରେ ପିଲାର ମଙ୍ଗଳ ମନାସୁଥିବା ମଣିଷ ହେଉଛି ମା&rsquo;। ଯିଏ ଜୀବନର ସକଳ ଯନ୍ତ୍ରଣାକୁ ଜଳାଞ୍ଜଳି ଦେଇ ସବୁବେଳେ ତା&rsquo; ସନ୍ତାନ ଓଠରେ ହସ ଟିଏକି ଫୁଟାଇବା ପାଇଁ ଦିନ-ଦିନ, ମାସ-ମାସ ଏବଂ ବର୍ଷ ବର୍ଷ ଅବିଶ୍ରାନ୍ତ ଭାବେ କେବଳ କାମ କରି ଚାଲିଥାଏ। ଆଜି ମାତୃ ଦିବସରେ ସେହିଭଳି ଜଣେ ମା&rsquo;ଙ୍କୁ ଭେଟିବା ଯାହାଙ୍କ ନାଁ ଭଗବତୀ ସାହୁ।</p> <p>ବୟସ ୬୦ ଟପିଲାଣି ହେଲେ ଥକି ଯାଇନି ହାତ କି ପାଦ। ଏ ବୟସରେ ବି ଖୁବ୍ ଚଳଚଞ୍ଚଳ ସେ। କାରଣ ତାଙ୍କରି ଉପରେ ହିଁ ନିର୍ଭର କରୁଛି ଦୁଇ ଦୁଇଟି ବଢ଼ିଲା ପୁଅଙ୍କ ଜୀବନ।&nbsp; ମୟୂରଭଞ୍ଜ ଜିଲ୍ଲା ଉଦଳା ବ୍ଲକ୍ ଶିରିପୁର ଗାଁର ଏହି ମହିଳା ଜଣକ ହେଉଛନ୍ତି ଭଗବତୀ ସାହୁ।&nbsp; ଭଗବତୀଙ୍କ ଦୁଇ ପୁଅ ଦିବ୍ୟାଙ୍ଗ। ଉଭୟ ଶାରିରୀକ ଓ ମାନସିକ ଭାବେ ଅନଗ୍ରସର। &nbsp;ପିଲାଙ୍କ ସେବା କି ସ୍ନେହରେ କେବେ ବି ହେଳା କରନ୍ତିନି ଭଗବତୀ। ସକାଳୁ ସଞ୍ଜ ଯାଏଁ ସେମାନଙ୍କ ଦେଖାଶୁଣାରେ ହିଁ ବିତିଯାଏ ତାଙ୍କ ଜୀବନ। ଦୁଇ ଦୁଇ ଜଣ ଅକ୍ଷମ ପୁଅଙ୍କ ଅଳି ଅର୍ଦ୍ଦଳି, ସେବାରେ ଯେମିତି ଦିନ ଓ ରାତି ଭୁଲି ଯାଆନ୍ତି ସେ।&lt;a href=&quot;&quot;&gt;(image) &lt;/a&gt;</p> <p>ଭଗବତୀଙ୍କ ବଡ଼ ପୁଅର ବୟସ ପ୍ରାୟ ୨୮।&nbsp; ଗୋଡ଼ର ଶିରା ପ୍ରଶିରା କାମ କରୁ ନଥିବାରୁ ସେ ଅକ୍ଷମ। ସେହିପରି ସାନ ପୁଅର ବୟସ ୨୫। ଜନ୍ମରୁ ପୋଲିଓ ଆକ୍ରାନ୍ତ ଯୋଗୁଁ ସବୁବେଳେ ଭୂଇଁରେ ଲୋଟୁଛି। ଏପରି ଅବସ୍ଥାରେ ଆଜିକୁ ୧୨ ବର୍ଷ ତଳେ ସ୍ୱାମୀଙ୍କୁ ହରାଇଛନ୍ତି ସେ।&nbsp; ଦୁଃଖର ବୋଝ ଉପରେ ବୋଝ ବୋହି କିନ୍ତୁ ଥକି ଯାଇ ନାହାନ୍ତି ଭଗବତୀ।&nbsp; ସମ୍ପତ୍ତି ବୋଲି ନୂଆଣିଆ ଝାଟିମାଟି ଚାଳ ଛପର ଘର। ଦୁଇ ଓଳି ଖାଇବାକୁ ଦୈନିକ ସଂଘର୍ଷ କରିବାକୁ ପଡ଼େ ତାଙ୍କୁ। ହେଲେ ତା&rsquo; ଭିତରେ ବି ନିଜ ପିଲାଙ୍କ ପେଟକୁ ଦାନା ଯୋଗାଡ଼ରେ କେବେ ହେଳା କରି ନାହାନ୍ତି ସେ।</p> <p>https://www.youtube.com/watch?v=AwTtki8MdGw</p>