କିଛିବର୍ଷ ହେଲା ବିଜେଡିରେ ‘ଫଳକ ଭଙ୍ଗା’ ପରମ୍ପରା ଦେଖାଦେଇଛି

<p>କେନ୍ଦ୍ରାପଡ଼ା (ଓଡ଼ିଶା ରିପୋର୍ଟର): କେନ୍ଦ୍ରାପଡ଼ା ଜିଲ୍ଲା ଆଳି ବ୍ଲକ ସଂସିଧାରେ ସାଂସଦ ପାଣ୍ଠିରେ ନିର୍ମିତ ପାନୀୟ ଜଳ ପ୍ରକଳ୍ପକୁ କେନ୍ଦ୍ରାପଡ଼ା ସାଂସଦ ବୈଜୟନ୍ତ ପଣ୍ଡା ଆଜି ଉଦଘାଟନ୍&zwnj; କରିଛନ୍ତି। ପାଣି ଟାଙ୍କି ଉଦଘାଟନ କରିବା ପରେ ବୈଜୟନ୍ତ କହିଛନ୍ତି,&ldquo;ସାଂସଦ ପାଣ୍ଠିରେ ୫୭ଟି ଟାଙ୍କି ହେଉଛି, ଏହା ୧୬ ନମ୍ବର। ୨୫ଲକ୍ଷ ଟଙ୍କା ବ୍ୟୟରେ ନିର୍ମିତ ହୋଇଥିବା ଏହି ଓଭର ହେଡ୍ ଟ୍ୟାଙ୍କ ଦ୍ୱାରା ପ୍ରାୟ ୧୦ହଜାରରୁ ଅଧିକ ଲୋକ ଉପକୃତ ହେବେ। ସବୁ କାର୍ଯ୍ୟକ୍ଷମ ହେଲେ କେନ୍ଦ୍ରାପଡ଼ାରେ ପାନୀୟ ଜଳ ସଙ୍କଟ ରହିବନି।&rdquo;</p> <p>ଗତକାଲି ଆଳି ବ୍ଲକ ଅଧ୍ୟକ୍ଷା ଝରଣା ଦାସ, ଉପାଧ୍ୟକ୍ଷ ଦୀପକ ଭୂୟାଁ ଓ ଜିଲ୍ଲାପରିଷଦ ସଭ୍ୟ ଧନରଂଜନ ବୋଷ ଏହି ପାଣି ଟାଙ୍କିକୁ ତରବରିଆ ଭାବେ ଆଗୁଆ ଉଦଘାଟନ କରି ଦେଇଥିଲେ। ଯାହାକୁ ନେଇ ବୈଜୟନ୍ତ କହିଛନ୍ତି,&ldquo;ଏଥିରେ ତାଙ୍କର ଆପତ୍ତି ନାହିଁ, ଲୋକେ ପାଣି ପାଇବା ଗୁରୁତ୍ୱପୂର୍ଣ୍ଣ।&rdquo;</p> <p>ଏହାସହ ମାର୍ଶାଘାଇରେ ଫଳକ ଭଙ୍ଗାକୁ ନେଇ ବୈଜୟନ୍ତ କହିଛନ୍ତି&ldquo;ଗତ ୩ରୁ ୪ବର୍ଷ ହେଲା ବିଜେଡିରେ ଏଭଳି ପରମ୍ପରା ଦେଖାଦେଇଛି। ଯାହା ଆଦୌ ଭଲ ନୁହେଁ, ଲୋକମାନେ ଏହାକୁ ପସନ୍ଦ କରିବେନି।&rdquo;</p> <p>ଏହି ପ୍ରସଙ୍ଗରେ ଗତକାଲି ବିଜେଡି ମୁଖପାତ୍ର ପ୍ରତାପ ଦେବ ତାଙ୍କ ପ୍ରତିକ୍ରିୟାରେ କହିଥିଲେ ଯେ, ଦଳରୁ ସସପେଣ୍ଡ ହୋଇଥିବାରୁ ବୈଜୟନ୍ତଙ୍କୁ ବିଜେଡି କାର୍ଯ୍ୟକର୍ତ୍ତା ଓ ସମର୍ଥକ ଗ୍ରହଣ କରୁନାହାନ୍ତି। ଏହା ତାଙ୍କ ବିରୋଧର ଏକ କାରଣ ହୋଇପାରେ। ତେବେ ସେମାନେ ଆଇନଶୃଙ୍ଖଳା ହାତକୁ ନେବା ଆଦୌ ଗ୍ରହଣୀୟ ନୁହେଁ।</p> <p>&amp;nbsp;</p>