ଷଡ଼ଯନ୍ତ୍ର ସଂପର୍କରେ ମୋ ନେତାଙ୍କୁ ବହୁଥର ବୁଝାଇବାକୁ ଚେଷ୍ଟା କରିଥିଲି

<p>ଭୁବନେଶ୍ୱର (ଓଡ଼ିଶା ରିପୋର୍ଟର): କେନ୍ଦ୍ରାପଡ଼ା ବିଜେଡି ସଂଖ୍ୟାଲଘୁ ସେଲ୍&zwnj;ର ପୂର୍ବତନ ସଭାପତି ସଲିମ୍ ଖାନଙ୍କ ଅଡିଓ ଟେପ୍ ଖୁଲାସା ନେଇ ସାଂସଦ ବୈଜୟନ୍ତ ପଣ୍ଡା ଆଜି ପ୍ରତିକ୍ରିୟା ରଖିଛନ୍ତି। ସେ କହିଛନ୍ତି,&ldquo;ମୋ ବିରୋଧରେ ଗତ ଦୁଇ ତିନି ବର୍ଷ ହେଲା ଦଳ ଭିତରେ ଷଡ଼ଯନ୍ତ୍ର ଚାଲିଥିଲା। ଏହାକୁ ନେଇ ମୁଁ ସ୍ୱର ଉତ୍ତୋଳନ କରି ଆସୁଥିଲି। ଏହି ଅଡିଓ ଟେପ୍&zwnj;ରୁ ସ୍ପଷ୍ଟ ହୋଇଛି ଯେ, &lsquo;P&rsquo; ନାମରେ ଜଣେ ବ୍ୟକ୍ତି ଏଇ ଷଡ଼ଯନ୍ତ୍ର କରୁଛନ୍ତି। ତେବେ ଏଭଳି ଷଡ଼ଯନ୍ତ୍ର ସମ୍ପର୍କରେ ମୋ ନେତା ନବୀନ ବାବୁଙ୍କୁ ବୁଝାଇବା ପାଇଁ ମୁଁ ପୂର୍ବରୁ ବହୁ ଚେଷ୍ଟା କରିଥିଲି।&rdquo;</p> <p>ବୈଜୟନ୍ତ କହିଛନ୍ତି- &ldquo;କେନ୍ଦ୍ରାପଡ଼ା, ବରଗଡ଼ ଓ ଢେଙ୍କାନାଳରେ ମୋତେ ବିରୋଧ ପାଇଁ ଅଡିଓ ଟେପ୍&zwnj;ରେ କୁହାଯାଇଛି। ଏପରିକି ମୋତେ ଓ ମୋ ସହଯୋଗୀଙ୍କୁ ମଧ୍ୟ ହଇରାଣ କରିବାକୁ ସେ ସ୍ପଷ୍ଟ ନିର୍ଦ୍ଦେଶ ଦେଇଛନ୍ତି। ବର୍ତ୍ତମାନ ସଲିମ ଖାନ୍ ମୁଖ୍ୟମନ୍ତ୍ରୀଙ୍କୁ ନିଜର ଓ ନିଜ ପରିବାରର ସୁରକ୍ଷା ମାଗିଛନ୍ତି। ମୁଁ ମଧ୍ୟ ତାଙ୍କର ଓ ତାଙ୍କ ପରିବାରର ସୁରକ୍ଷା ପାଇଁ ଅପିଲ୍ କରୁଛି। ଲୋକଙ୍କ ସମର୍ଥନ ଓ ଜଗନ୍ନାଥଙ୍କ ଆଶୀର୍ବାଦ ଥିଲେ, ଯେଉଁମାନେ ଗୁଣ୍ଡାଗିରି କରୁଛନ୍ତି ଓ ମୋ ବିରୋଧରେ ଅପପ୍ରଚାର କରୁଛନ୍ତି ସେମାନେ ତାଙ୍କ ଉଦ୍ୟମରେ କେବେ ବି ସଫଳ ହେବେ ନାହିଁ ।&rsquo;&rsquo;</p> <p>&lt;a href=&quot;&quot;&gt;ଅଧିକ ପଢ଼ନ୍ତୁ- ବବି ଦାସ କହିଛନ୍ତି, ବୈଜୟନ୍ତଙ୍କ କ୍ୟାମ୍ପ ଛାଡିଲେ ରିୱାର୍ଡ ମିଳିବ: ଶୁଣନ୍ତୁ ଅଡିଓ&lt;/a&gt;</p> <p>ସେପଟେ ବିଜେଡି ସଂଖ୍ୟାଲଘୁ ସେଲ୍&zwnj;ର ପୂର୍ବତନ ସଭାପତି ସଲିମ୍ ଖାନ୍&zwnj; ନିଜେ ଡିଜିପିଙ୍କୁ ଚିଠି ଲେଖି ତାଙ୍କୁ ଓ ତାଙ୍କ ପରିବାରକୁ ସୁରକ୍ଷା ଦେବାକୁ ଜଣାଇଛନ୍ତି। ଏହାସହ ଚିଠିର ନକଲ ମୁଖ୍ୟମନ୍ତ୍ରୀ, ଗୃହ ସଚିବ, ଜିଲ୍ଲା ଏସ୍&zwnj;ପିଙ୍କୁ ମଧ୍ୟ ଦେଇଛନ୍ତି।</p> <p>ସୂଚନାଯୋଗ୍ୟ, କିଛିଦିନ ପୂର୍ବରୁ ବିଜେଡି ସଂଖ୍ୟାଲଘୁ ସେଲ୍&zwnj;ର ପୂର୍ବତନ ସଭାପତି ସଲିମ୍ ଖାନ୍ ଏକ ସାମ୍ବାଦିକ ସମ୍ମିଳନୀ ଡାକିଥିଲେ। ବୈଜୟନ୍ତଙ୍କ କ୍ୟାମ୍ପ ଛାଡିଥିବା ଦେବାଶିଷ ମଲ୍ଲିକ ଓ ଅନୁଗତ ସଲିମ୍ ଖାନଙ୍କ ମଧ୍ୟରେ ହୋଇଥିବା ବାର୍ତ୍ତାଳାପର ଅଡିଓ ଟେପ୍ ଏଥିରେ ଶୁଣାଯାଇଥିଲା। ଏହି ଅଡିଓ ଟେପ୍ ବାହାରକୁ ଆସିବା ପରେ ବିଜେଡିରେ &lsquo;P&rsquo;, ପାଣ୍ଡିୟାନ୍ ଓ ପ୍ରଣବ ପ୍ରକାଶ ଓରଫ୍ ବବି ଦାସଙ୍କ ଭୂମିକାକୁ ନେଇ ପ୍ରଶ୍ନ ଉଠିଥିଲା। ଅଡିଓ ଟେପ୍&zwnj;ରେ ବୈଜୟନ୍ତଙ୍କ କ୍ୟାମ୍ପ ଛାଡ଼ିଥିବା ଦେବାଶିଷ କହିଥିଲେ, &lsquo;ବବି ଏବେ ନେକ୍ସଟ&nbsp;ଟୁ &lsquo;P&rsquo;। ଦଳରେ ସେ ଏ ଟୁ ଜେଡ୍।&rsquo;</p> <p>ଏହି ଅଡିଓ ଟେପ୍ ଅନୁଯାୟୀ, ବିଜେଡିରେ ଚାଲିଥିବା ବିଭିନ୍ନ ପ୍ରକାର ଷଡ଼ଯନ୍ତ୍ରର ମାଷ୍ଟର ମାଇଣ୍ଡ କିଏ ତାହାକୁ ନେଇ ଆରମ୍ଭ ହୋଇଛି ତର୍ଜମା। ନିକଟରେ ବ୍ରାହ୍ମଣ ବିରୋଧୀ ମନ୍ତବ୍ୟ ଦେଇ ମନ୍ତ୍ରିମଣ୍ଡଳରୁ ବିଦା ହୋଇଥିବା ଦାମୋଦର ରାଉତ ଲେଖିଥିବା &lsquo;ଅନର୍ଥର ଅନ୍ତରାଳେ&rsquo; ସ୍ତମ୍ଭରେ ବି ଏହାର ଆଭାସ ରହିଥିଲା।</p> <p>https://youtu.be/bqPJXYX0fyo</p> <p>&amp;nbsp;</p> <p>&lt;a href=&quot;http://odishareporter.in/odisha/bobby-is-second-powerful-person-in-biju-janata-dala-229165&quot;&gt;ଅଧିକ ପଢ଼ନ୍ତୁ- ପାଣ୍ଡିଆନଙ୍କ ପରେ ବବି ପାୱାରଫୁଲ୍&zwnj;, ବିଜେଡିର ଏ ଟୁ ଜେଡ୍&zwnj;!&lt;/a&gt;</p> <p>&amp;nbsp;</p> <p>&amp;nbsp;</p>