ଭୁବନେଶ୍ୱର: ଗତ ମଙ୍ଗଳବାର ବିଜେଡିର ତିନି ନେତାଙ୍କୁ ଭୂତ ବୋଲି କହି ସମାଲୋଚନା କରିଥିବା ବରିଷ୍ଠ ମନ୍ତ୍ରୀ ଦାମଦୋର ରାଉତ ଏବେ ଏହି ପ୍ରସଙ୍ଗରେ ବୟାନ ବଦଳାଇଛନ୍ତି। ମନ୍ତ୍ରୀ ଦାମଦୋର ରାଉତ କହିଛନ୍ତି,“ ମୁଁ କାହାକୁ ଭୂତ ବୋଲି କହି ନାହିଁ। ମୁଖ୍ୟମନ୍ତ୍ରୀ ମୋତେ ଗାଡ଼ିରେ ବସିବାକୁ କହିବା ପରେ ମୁଁ ଗାଡ଼ି ନିକଟକୁ ଯାଇଥିଲି। ଗାଡ଼ିରେ ତିନି ନେତା ଦେବାଶିଷ ସାମନ୍ତରାୟ , ପ୍ରତାପ ଜେନା ଓ ବିଷ୍ଣୁ ଦାସ ବସିଥିଲେ। ଏମାନଙ୍କୁ ଦେଖି ମୁଁ ଚମକି ପଡ଼ିବାରୁ ଭୂତ ବୋଲି ଭାବିଥିଲି।”
ସୂଚନାଯୋଗ୍ୟ, ଗତ ୧୪ ତାରିଖରେ ବିଜେଡି ବିଧାୟକ ଦେବାଶିଷ ସାମନ୍ତରାୟ, ପ୍ରତାପ ଜେନା, ପ୍ରଭାତ ବିଶ୍ୱାଳ ଓ ରାଜ୍ୟସଭାକୁ ନିର୍ଦ୍ୱନ୍ଦ୍ୱରେ ନିର୍ବାଚିତ ହୋଇଥିବା ବିଷ୍ଣୁ ଦାସଙ୍କ ବିରୋଧରେ ମନ୍ତ୍ରୀ ଦାମୋଦର ରାଉତ ବିଷ ଓଗାଳିଥିଲେ। ସେ ଦେବାଶିଷ, ପ୍ରତାପ ଓ ବିଷ୍ଣୁ ଦାସଙ୍କୁ ତିନି ଭୂତ ବୋଲି କହିଥିଲେ। ବିଭିନ୍ନ ସ୍ଥଳରେ ଏହି ନେତା ତାଙ୍କୁ ଅପମାନିତ କରିଥିବା ମଧ୍ୟ ଦାମ କହିଥିଲେ।