ରଙ୍ଗବତୀ ଗୀତରେ ପୁଣି ମଡର୍ଣ୍ଣ ଛୁଙ୍କ: ଜିନ୍ସ ଟି-ସାର୍ଟରେ ନାଚିଲେ ମୁମ୍ୱାଇ ଝିଅ

<p>କିଛିଦିନ ପୂର୍ବେ ସମ୍ୱଲପୁରୀ ଶଗଡ଼ ଗାଡ଼ି ଗୀତରେ ଝୁମିଥିଲେ ଆମେରିକାବାସୀ। ଖୁବ୍ ନାଚିଥିଲେ ଏହି ଗୀତରେ। ଏଥିପାଇଁ ଖୁବ୍ ପ୍ରଂଶସା ସାଉଁଟିଥିଲେ ଓଡ଼ିଆ ପୁଅ ଅନୁପମ୍। ଆମେରିକା ପରେ ମୁମ୍ୱାଇରେ ଦେଖିବାକୁ ମିଳିଛି ଓଡ଼ିଆ ଗୀତର ଜଲୱା। ଲୋକପ୍ରିୟ ଓଡ଼ିଆ ଗୀତ ରଙ୍ଗବତୀର ନୂଆ ଭର୍ସନରେ ଝୁମିଛନ୍ତି ମୁମ୍ୱାଇ ଗାର୍ଲ।</p><p>[vc_video link=&quot;&quot; align=&quot;center&quot;]</p><p>ଓଡ଼ିଶା ଝିଅ ସୋନା ମହାପାତ୍ରଙ୍କ କଣ୍ଠରେ ନୂଆ ରୂପ ପାଇଥିଲା ଓଡ଼ିଶାର ଲୋକପ୍ରିୟ ଗୀତ ରଙ୍ଗବତୀ। ସେତେବେଳେ ଏହାକୁ ନେଇ ବିବାଦ ଉପୁଜିଥିଲେ ମଧ୍ୟ ନୂଆପିଢ଼ି ଗୀତର ସ୍ୱର ଓ ଗାୟନ ଶୈଳୀକୁ ପସନ୍ଦ କରିଥିଲେ। ଗୀତ ବିବାଦ ପରେ ଏବେ ସୋନାଙ୍କର ଏହି ଗୀତରେ ନୃତ୍ୟକୁ ନେଇ ଦେଖିବାକୁ ମିଳିଛି ଭିନ୍ନ ଶୈଳୀ। ମୁମ୍ୱାଇର ଲୋକପ୍ରିୟ କୋରିଓଗ୍ରାଫର ଅରୁନିମା ଦେ ଓ ତାଙ୍କ ସାଥୀ କଳାକାରଙ୍କ ପାଇଁ ପୁଣି ଚର୍ଚ୍ଚାକୁ ଆସିଛି ରଙ୍ଗବତୀ। ଗୀତଟି ବାଜିବା ମାତ୍ରେ ମୁମ୍ୱାଇ ଗାର୍ଲଙ୍କ ପାଦ ଆଉ ଥୟ ଧରିନି। ଦେଶୀ ଗୀତରେ ଜିନ୍ସ ପିନ୍ଧି ଠୁମ୍&zwnj;କା ଲଗାଇଛନ୍ତି ଅରୁନିମାଙ୍କ ଟିମ୍। ଭାଷା ବୁଝି ପାରୁନଥିଲେ ମଧ୍ୟ ଗୀତର ଭାବାବେଗ ଅଟକାଇ ପାରିନି ଅରୁନିମାଙ୍କ ପାଦକୁ। ଗୀତର ବିଟ୍ ସାଙ୍ଗରେ ପୂରା ତାଳ ଦେଇ ନାଚୁଛନ୍ତି ଅରୁନିମା ଓ ତାଙ୍କ ଟିମ୍। ଅରୁନିମାଙ୍କ କହିବା ଅନୁଯାୟୀ, ଯେବେ ପ୍ରଥମଥର ସେ ଏହି ଗୀତ ଶୁଣିଥିଲେ, ସେବେଠାରୁ ସେ ଏହାର ପ୍ରେମରେ ପଡ଼ି ଯାଇଥିଲେ। ଗୀତର ଗୋଟିଏ ବି ଧାଡ଼ି ସେ ବୁଝି ପାରୁନଥିଲେ ମଧ୍ୟ ଏହା ତାଙ୍କ ହୃଦୟକୁ ଛୁଇଁଥିଲା। ତେଣୁ ରଙ୍ଗବତୀ ଗୀତରେ ନାଚିବା ପାଇଁ ଆରମ୍ଭ କରିଥିଲେ ପ୍ରସ୍ତୁତି। ଡ୍ୟାନ୍ସ ପିପୁଲ ଷ୍ଟୁଡିଓରେ ଏହାର ନୃତ୍ୟ ରେକର୍ଡିଂ କରାଯାଇଥିଲା। ନିଜ ସାଥୀ କଳାକାରଙ୍କ ସହ ରଙ୍ଗବତୀ ଗୀତରେ ନାଚିବା ସହ ଏହାର ଭିଡ଼ିଓ ସୋସିଆଲ ମିଡ଼ିଆରେ ଅପଲୋଡ଼ କରିଥିଲେ ଅରୁନିମା। ଏହି ଭିଡ଼ିଓକୁ ୟୁଟ୍ୟୁବରେ ବର୍ତ୍ତମାନ ୫୫ ହଜାରରୁ ବି ଅଧିକ ଦର୍ଶକ ଦେଖି ସାରିଲେଣି।</p><p>ତେବେ ଓଡ଼ିଶାରେ ଗୀତିଟିରେ ନୃତ୍ୟ କରିବାର ଶୈଳୀ ଓ ବେଶପୋଷାକ ସଂପୂର୍ଣ୍ଣ ସମ୍ୱଲପୁରୀ ହୋଇଥିବା ବେଳେ ଏଥିରେ ଅରୁନିମା ମାରିଛନ୍ତି ମର୍ଡର୍ଣ୍ଣ ଛୁଙ୍କ। ଗୀତରେ ନୃତ୍ୟ କରୁଥିବା ଝିଅମାନେ ଜିନ୍ସ ଏବଂ ଉପର ଭାଗରେ ଛୋଟ ଟିସାର୍ଟ ପିନ୍ଧିଛନ୍ତି ଯେଉଁଥିରେ କିଛି ମାତ୍ରାରେ ଶରୀର ପ୍ରଦର୍ଶନ ମଧ୍ୟ ହେଉଛି। ରଙ୍ଗବତୀ ହେଉଛି ପଶ୍ଚିମ ଓଡ଼ିଶାର ଏକ ଲୋକପ୍ରିୟ ଲୋକସଂଗୀତ। ତେଣୁ ଏପରି ଏକ ଲୋକପ୍ରିୟ ପାରମ୍ପରିକ ସଂଗୀତରେ ଆଧୁନିକ ନୃତ୍ୟ ପରିବେଷଣକୁ ହୁଏତ ଓଡ଼ିଶାର ସଂଗୀତପ୍ରିୟ ଲୋକ ଗ୍ରହଣ କରିନପାରନ୍ତି।</p><p>courtesy-youtube</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।