ରାଉରକେଲା (ସତ୍ୟାନନ୍ଦ ମହାନ୍ତି): ପୁତ୍ର ହନ୍ତା ବାପାକୁ ଆଜୀବନ ଜେଲ୍ ଦଣ୍ଡାଦେଶ ସହ ୫୦୦୦ ଟଙ୍କା ଜରିମାନା। ଆଜି ଏହି ରାୟ ଦେଇଛନ୍ତି ରାଉରକେଲା ଅତିରିକ୍ତ ଦୌରା ଜଜ। ଜରିମାନା ଅର୍ଥ ଅନାଦେୟ ହେଲେ ଅଧିକ ବର୍ଷେ ଜେଲ୍ ଦଣ୍ଡ ଭୋଗିବାକୁ ପଡ଼ିବ ବୋଲି ବିଚାରପତି ରାୟରେ ଶୁଣାଇଛନ୍ତି।
୨୦୧୯ ଜୁନ ୨୪ ତାରିଖରେ ବନ୍ଧମୁଣ୍ଡା ଥାନା ଅନ୍ତର୍ଗତ ଦଲପୋଷ ଅଞ୍ଚଳରେ ଘଟିଥିଲା ଲୋହର୍ଷଣକାରୀ ହତ୍ୟାକାଣ୍ଡ। ପତ୍ନୀର ରିତ୍ରକୁ ସନ୍ଦେହ କରି ନିଜର ୩ ବର୍ଷର ଶିଶୁପୁତ୍ରର ତଣ୍ଟି କାଟି ହତ୍ୟା କରିଥିଲା ଅଭିଯୁକ୍ତ ହୋଣ୍ଡା ଓରାମ। ଏନେଇ ତାଙ୍କ ପତ୍ନୀ ଥାନାରେ ଲିଖିତ ଅଭିଯୋଗ କହିଥିଲେ। ପୁଲିସ ମାମଲା ରୁଜୁ କରି ଅଭିଯୁକ୍ତ ଓରାମକୁ ଗିରଫ କରିଥିଲା।
ଆଜି ଏହି ହତ୍ୟାକାଣ୍ଡର ରାୟ ପ୍ରକାଶ ପାଇଛି। ରାଉରକେଲା ଅତିରିକ୍ତ ଦୌରା ଜଜ୍ ମାମଲାକୁ ବିଚାର କରି ଅଭିଯୁକ୍ତ ହୋଣ୍ଡା ଓରାମକୁ ଆଜିବନ ଜେଲଦଣ୍ଡାଦେଶ ସହ ୫୦୦୦ ଟଙ୍କା ଜରିମାନା କରିଛନ୍ତି। ଦୋଷୀ ସାବ୍ୟସ୍ତ ହେବା ପରେ ହୋଣ୍ଡା ଓରାମକୁ ରାଉରକେଲା ସ୍ୱତନ୍ତ୍ର ଜେଲକୁ ପଠାଇ ଦିଆଯାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
