ବୀରମିତ୍ରପୁର (ରାକେଶ ସାହୁ): ଅଜାକୁ ହତ୍ୟା କଲା ନାତି। ଏଭଳି ଏକ ଅଭାବନୀୟ ଘଟଣା ଘଟିଛି ସୁନ୍ଦରଗଡ଼ ଜିଲ୍ଲା ରାଏବଗା ଥାନା ଅନ୍ତର୍ଗତ କାଦୋବାହାଲ ଗ୍ରାମପଞ୍ଚାୟତରେ ଥିବା ଗାଢାଟୋଲୀ ବସ୍ତିରେ। ହତ୍ୟାର ଶିକାର ହୋଇଥିବା ବ୍ୟକ୍ତି ହେଲେ ଇଶା କକେର୍କେଟା। ତେବେ ମାଜିଷ୍ଟ୍ରେଟ, ସାଇଣ୍ଟିଫିକଦଳ , ରାଏବଗା ପୋଲିଶ ଓ ଗ୍ରାମବାସୀଙ୍କ ଉପସ୍ଥିତିରେ ଏହି ଶବ ଉଦ୍ଧାର କରାଯାଇଛି। ଅଭିଯୁକ୍ତ ଫେରାର ଥିବା ଜଣାପଡ଼ିଛି।
ଗତ ୩ ବର୍ଷ ହେଲା ଇଶା କକେର୍କେଟା ନିଜ ଝିଅ ଘରେ ରହୁଥିଲେ l ଝିଅ ଜ୍ଵାଇଁର ଅନୁପସ୍ଥିତିରେ ତାଙ୍କର ଦୂର ସମ୍ପର୍କୀୟ ଭଣଜା ପାଞ୍ଚଦିନ ପୂର୍ବରୁ ଜେଲରୁ ଫେରି ଘରେ ରହିଥିଲେ l ଘରେ କେହି ନଥିବା ବେଳେ କୌଣସି କାରଣ ନେଇ ତିନିଦିନ ପୂର୍ବରୁ ଅଜା ଓ ନାତି ମଧ୍ୟରେ ଗଣ୍ଡଗୋଳ ହୋଇଥିଲା l ଝିଅ ଜ୍ଵାଇଁ ନିଜ ଘରକୁ ଫେରିବା ପରେ ଝିଅ ତାର ବାପାକୁ ଖୋଜି ପାଇନ ଥିଲା। ବିଭିନ୍ନ ଆଡ଼େ ଖୋଜାଖୋଜି କରିବା ପରେ ମଧ୍ୟ ତାଙ୍କର କୌଣସି ସନ୍ଧାନ ମିଳିନଥିଲା l ଭଣଜା ସମୀର କେର୍କେଟା ମଧ୍ୟ ଫେରାର ଥିଲା l ଆଜି ସକାଳୁ ଘର ବାରି ପଟେ ନୂଆଁ ମାଟି ପୋତାହୋଇଥିବା ଦେଖି ସନ୍ଦେହରେ ନିକଟକୁ ଯାଇ ଦେଖିବାରୁ ମଣିଷ ହାତ ଦେଖାଯାଉଥିଲା l ଏହାକୁ ଦେଖି ଝିଅ ପ୍ୟାରୀ ରାଏବଗାଥାନାକୁ ସୂଚନାଦେଇଥିଲେ l ଖବର ପାଇ ରାଏବୋଗା ଥାନାଅଧିକାରୀ ବିଜୟକୁମାରସିଂ ଘଟଣାସ୍ଥଳରେ ପହଞ୍ଚି ତଦନ୍ତ କରିଥିଲେ। ପରେ ମାଟି ଖୋଲା ଯାଇଥିଲା।
ମାଟି ଖୋଳିବା ପରେ ଶବ ଉଦ୍ଧାର ହୋଇଥିଲା। ପୋଲିଶ ଶବ ଜବତ କରି ତଦନ୍ତ ଆରମ୍ଭ କରିଛି। ଅଭିଯୁକ୍ତ ଫେରାର ଥିବା ଜଣାପଡ଼ିଛି। ତେବେ ତାଙ୍କୁ ସେଇ ସମ୍ପର୍କୀୟ ନାତି ହତ୍ୟା କରିଥିବା ସନ୍ଦେହ କରାଯାଉଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
