ଭୁବନେଶ୍ୱର: ମହାପ୍ରଭୁଙ୍କ ନବଯୌବନ ଦର୍ଶନ ସପକ୍ଷରେ ମତ ରଖିଛନ୍ତି ପୁରୀ ଶଙ୍କରାଚାର୍ଯ୍ୟ ନିଶ୍ଚଳାନନ୍ଦ ସରସ୍ୱତୀ। ଭୁବନେଶ୍ୱରରେ ଏକ ସାମ୍ୱାଦିକ ସମ୍ମିଳନୀ ଶଙ୍କରାଚାର୍ଯ୍ୟ ଶ୍ରୀମନ୍ଦିର ପରିଚାଳନାରେ ତାଙ୍କର ଓ ପ୍ରଶାସନର ଭୂମିକା ନେଇ ସୀମା ନିର୍ଦ୍ଧାରଣ କରିବାକୁ ପୁଣି ଥରେ ଦାବି କରିଛନ୍ତି। ନ୍ୟାୟାଳୟର ନିର୍ଦ୍ଦେଶ ଓ ସତ୍ୱଲିପି ଅନୁସାରେ ସୀମା ନିର୍ଦ୍ଦାରଣ କରାଯାଉ ବୋଲି ଶଙ୍କରାଚାର୍ଯ୍ୟ କହିଛନ୍ତି। ପୁରୀ ଶଙ୍କରାଚାର୍ଯ୍ୟ ନିଶ୍ଚଳାନନ୍ଦ ସରସ୍ୱତୀ ଶନିବାର ଭୁବନେଶ୍ୱରରେ ଏକ ସାମ୍ବାଦିକ ସମ୍ମିଳନୀ କରିଛନ୍ତି ଶ୍ରୀମନ୍ଦିର ଓ ନବକଳେବର ସମ୍ପର୍କିତ ବିଭିନ୍ନ ପ୍ରସଙ୍ଗରେ ମତ ରଖିଥିଲେ। ସେ କହିଥିଲେ ଯେ, ଶ୍ରୀମନ୍ଦିର ପ୍ରଶାସନ ବିଭିନ୍ନ ଅଧିକାରରୁ ତାଙ୍କୁ ବଞ୍ଚିତ କରିଛି। ଗଣତାନ୍ତ୍ରିକ ଶାସନକୁ ଆଧର କରି ମନ୍ଦିରରେ କାର୍ଯ୍ୟରତଥିବା ପଣ୍ଡା ଓ ପୂଜାରୀମାନଙ୍କୁ ଯୋଗ୍ୟତାକୁ ତାଙ୍କଠାରୁ ଛଡାଇ ନିଆଯାଇଛି ବୋଲି ସେ ସାମ୍ବାଦିକ ସମ୍ମିଳନୀରେ କହିଥିଲେ। ତାଙ୍କ ଅଧିନରେଥିବା ଶ୍ରୀମନ୍ଦିର ସଂସ୍ଥାନର ସଂରକ୍ଷଣ, ପ୍ରଶାସନ ଓ ନିଯୁକ୍ତି ଇତ୍ୟାଦିରେ ପ୍ରଶାସନ ପ୍ରଥମେ ହସ୍ତକ୍ଷେପ କରିଲା।ଏହାପରେ ତାଙ୍କଠାରୁ ଏହିସବୁକୁ ଛଡେଇ ନିଆଗଲାବୋଲି ସେ ଅଭିଯୋଗ କରିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
