ପୁରୀ: ନବକଳେବର ପାଇଁ ନିର୍ମିତି ଭିତ୍ତିଭୂମି ପ୍ରକଳ୍ପ ଗୁଡ଼ିକର ଉଦଘାଟନ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ମୁଖ୍ୟମନ୍ତ୍ରୀ ପ୍ରଥମେ ପୁରୀ ଉପକଣ୍ଠ ମାଳତୀପାଟପୁରରେ ଅତ୍ୟାଧୁନିକ ବସ୍ ଟର୍ମିନାଲର ଉଦଘାଟନ କରିବା ପରେ ମାଳତୀପାଟପୁରରୁ ପୁରୀ-କୋଣାର୍କ ରୋଡକୁ ସଂଯୋଗ କରୁଥିବା ୭ କିଲୋମିଟର ଲମ୍ୱା ବାଇପାସ୍ ରୋଡ୍ ଓ ରୋଡ୍ ଓଭରବ୍ରିଜ୍ ଏବଂ ପୁରୀ ସହରର ପ୍ରବେଶ ପଥ ଅଠରନଳା ଉପରେ ନିର୍ମାଣ ହୋଇଥିବା ଦ୍ୱିତୀୟ ବ୍ରିଜର ମଧ୍ୟ ଉଦଘାଟନ କରିଥିଲେ। ତା ପରେ ଜିଲ୍ଲା ମୁଖ୍ୟ ଚିକିତ୍ସାଳୟ ପରିସରରେ ମାଆ ଓ ଶିଶୁଙ୍କ ପାଇଁ ନିର୍ମିତ ସ୍ୱତନ୍ତ୍ର କୋଠା, ଗୋପବନ୍ଧୁ ଆୟୁର୍ବେଦ କଲେଜ୍ ଓ ଆଇଡି ହସ୍ପିଟାଲର ୨ଶହ ଶଯ୍ୟା ବିଶିଷ୍ଟ ଦୁଇଟି ବିଲ୍ଡିଂ ମଧ୍ୟ ମୁଖ୍ୟମନ୍ତ୍ରୀ ଲୋକାର୍ପଣ କରିଛନ୍ତି। ପୁରୀ ଗସ୍ତ ସମୟରେ ମୁଖ୍ୟମନ୍ତ୍ରୀଙ୍କ ଦ୍ୱାରା ମୋଟ ୧୦ଟି ପ୍ରକଳ୍ପ ଉଦଘାଟିତ ହୋଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।