ପୁରୀ: ନବକଳେବର ସମୟରେ ଭିଡ ନିୟନ୍ତ୍ରଣ ପାଇଁ ପୋଲିସର ତତ୍ପରତା ପ୍ରକାଶ ପାଇଛି । ଏନେଇ ପ୍ରସ୍ତୁତ ହୋଇଛି ସ୍ୱତନ୍ତ୍ର ଟ୍ରାଫିକ ପ୍ଲାନ୍ । ଟ୍ରାଫିକ୍ ନିୟନ୍ତ୍ରଣ ପାଇଁ ଏଥର ସୋସିଆଲ୍ ମିଡିଆକୁ ମଧ୍ୟ ଗୁରୁତ୍ୱ ଦିଆଯିବ ବୋଲି ପୋଲିସ ଆଇଜି ସଂଜୀବ ପଣ୍ଡା କହିଛନ୍ତି। ଟ୍ରାଫିକ୍ ସୁପରିଚାଳନା ଲକ୍ଷ୍ୟ ନେଇ ଆଇଜି ସଂଜୀବ ପଣ୍ଡାଙ୍କ ଅଧ୍ୟକ୍ଷତାରେ ପୁରୀ ଏସପିଙ୍କ କାର୍ଯ୍ୟାଳୟରେ ଏକ ବୈଠକ ବସିଥିଲା। ବୈଠକରେ ବରିଷ୍ଠ ପୋଲିସ ଅଧିକାରୀ ମାନେ ଯୋଗ ଦେଇଥିଲେ। ଏଥର ବଡଦାଣ୍ଡର ଉଭୟ ପାଶ୍ୱରେ ୨ ଜଣ କମାଣ୍ଡାଣ୍ଟ ଟ୍ରାଫିକ୍ ନିୟନ୍ତ୍ରଣ ଦାୟିତ୍ୱ ଦିଆଯିବ ବୋଲି ଆଇଜି ସଂଜୀବ ପଣ୍ଡା କହିଛନ୍ତି। ସହରକୁ ୮ଟି ଜୋନ୍ ଓ ୧୮ଟି ସେକ୍ଟରରେ ବିଭକ୍ତ କରାଯାଇଛି। ମାଳତୀପାଟପୁର ନୂଆ ବସଷ୍ଟାଣ୍ଡରେ ରାଜ୍ୟ ବାହାରୁ ଆସୁଥିବା ଯାତ୍ରୀବାହୀ ବସ୍ ଗୁଡିକ ରଖାଯିବ ବୋଲି ସେ କହିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
