ନବରଙ୍ଗପୁର: ନବରଙ୍ଗପୁର ଜିଲ୍ଲା ଡିପିସି ରାମଚନ୍ଦ୍ର ନାହକଙ୍କ ବିରୋଧରେ ଦୁର୍ବ୍ୟବହାର ଅଭିଯୋଗ ଆଣିଛନ୍ତି ର୍ମିଗାନଗୁଡ଼ା ମଧ୍ୟ ଇଂରାଜୀ ବିଦ୍ୟାଳୟର ଶିକ୍ଷୟିତ୍ରୀ ସଂଯୁକ୍ତା ତ୍ରିପାଠୀ। ଏନେଇ ଟାଉନ ଥାନାରେ ସେ ଅଭିଯୋଗ କରିଛନ୍ତି।
ଅଭିଯୋଗ ଅନୁଯାୟୀ, କିଛି ଦିନ ତଳେ ବିନା ପ୍ରକଳ୍ପ ଅଧିକାରୀ ସ୍କୁଲ ଗସ୍ତରେ ଆସିଥିବା ବେଳେ ସଂଯୁକ୍ତାଙ୍କୁ ଉଦ୍ଦେଶ୍ୟମୂଳକ ଭାବେ ଗାଳିଗୁଲଜ କରିଥିଲେ। ତା’ସହିତ ଦୁର୍ବ୍ୟବହାର କରିଥିଲେ ଓ ଧମକ ଦେଇଥିଲେ। ବର୍ଷାରେ ଛିଡ଼ା ମଧ୍ୟ କରାଇ ଦେଇଥିଲେ। ଡିପିସି ତାଙ୍କୁ ଅଶ୍ଳୀଳ ଇଙ୍ଗିତ କରିବା ସହିତ ତାଙ୍କ ଚରିତ୍ରକୁ ଆକ୍ଷେପ କରି ଶବ୍ଦ ପ୍ରୟୋଗ କରି ଥିଲେ। ଡିପିସିଙ୍କ ଏତାଦୃଶ୍ୟ ବ୍ୟବହାର ସଂପର୍କରେ ସେ ପ୍ରଶାସନକୁ ଜଣାଇଥିଲେ। ତେବେ ପ୍ରଶାସନ ପକ୍ଷରୁ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରା ନଯିବାରୁ ସେ ଶେଷରେ ଥାନାର ଦ୍ୱାରସ୍ଥ ହୋଇଥିଲେ।
ଅନ୍ୟପକ୍ଷରେ ଡିପିସି ତାଙ୍କ ବିରୋଧରେ ଆସିଥିବା ଏହି ଅଭିଯୋଗକୁ ଖଣ୍ଡନ କରିଛନ୍ତି। ପୋଲିସ୍ ଘଟଣାର ତଦନ୍ତ କଲେ ସତ କଥା ବାହାରକୁ ଆସିବ ବୋଲି ସେ କହିଛନ୍ତି।
ଡିପିସିଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଦାବି କରିଛି ଜିଲ୍ଲା ଶିକ୍ଷକ ସଂଘ।