ଅନୁଗୋଳ(ଓଡ଼ିଶା ରିପୋର୍ଟର) ପୁଣି ଥରେ ପାଉଁଶ ପରିଚାଳନା ସମସ୍ୟାକୁ ନେଇ ଅଡୁଆରେ ନାଲକୋ । ନାଲକୋ ପ୍ଲାଣ୍ଟରୁ ବାହାରୁଥିବା ପାଉଁଶ ମିଶା ପାଣି ଅନୁଗୁଳ ନନ୍ଦିରା ଜୋରରେ ମିଶିବାକୁ ନେଇ ସ୍ଥାନୀୟ ଅଞ୍ଚଳରେ ପ୍ରକାଶ ପାଇଛି ତୀବ୍ର ପ୍ରତିକ୍ରିୟା । ନନ୍ଦିରା ଜଳ ପ୍ରଦୂଷିତ ହେବା ସହ ଏହି ଜୋର ବ୍ରାହ୍ମଣୀରେ ମିଶିଥିବାରୁ ବ୍ରାହ୍ମଣୀ ଜଳ ମଧ୍ୟ ପ୍ରଦୂଷିତ ହେଉଥିବା ଅଭିଯୋଗ ହୋଇଛି ।
ନାଲକୋ କର୍ତ୍ତୃପକ୍ଷ କହିଛନ୍ତି ପାଇପ୍ ଲାଇନରୁ ଆସ୍ ଲିକ୍ ହେବା କ୍ଷଣି ଏହାକୁ ବନ୍ଦ କରିଦିଆଯାଇଥିଲା । ଯେଉଁ ଲିକ୍ ହୋଇଛି ଏହା କଂପାନି ପରିସର ମଧ୍ୟରେ ହୋଇଛି । ତେବେ ଏହାକୁ ସଫା କରିବା ବ୍ୟବସ୍ଥା କରାଯାଇଛି । କଂପାନି କର୍ତ୍ତୃପକ୍ଷଙ୍କ ତ୍ୱରିତ କାର୍ଯ୍ୟାନୁଷ୍ଠାନ ଯୋଗୁ ସ୍ଥାନୀୟ ଅଞ୍ଚଳରେ କୌଣସି କ୍ଷୟକ୍ଷତି ହୋଇନାହିଁ ବୋଲି ପ୍ରେସ୍ ରିଲିଜ୍ ଜାରି କରି କଂପାନି ଦର୍ଶାଇଛି । ତେବେ ଏହି ଘଟଣାରେ ଆଞ୍ଚଳିକ ପ୍ରଦୂଷଣ ନିୟନ୍ତ୍ରଣ ବୋର୍ଡ଼ ଅଧିକାରୀ ଅନୁପ କୁମାର ମଲ୍ଲିକ କହିଛନ୍ତି, ଏନେଇ ଏକ ଟିମ ପଠାଇ ଘଟଣାର ତଦନ୍ତ କରିବେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
