‘ନାଗପୁର ଆରଏସ୍‌ଏସ୍‌ ଅଫିସ୍ ଯେଉଁଠି ଯେମିତି ନଚେଇବେ, ଏମାନେ ନାଚିବେ’

ଭୁବନେଶ୍ୱର(ଓଡ଼ିଶା ରିପୋର୍ଟର):କଂଗ୍ରେସରେ ପରିବାରବାଦ ନେଇ ମଧ୍ୟପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ଶିବରାଜ ସିଂହ ଚୌହାନ ଦେଇଥିବା ମନ୍ତବ୍ୟ ଉପରେ ବରିଷ୍ଠ କଂଗ୍ରେସ ନେତା ନରସିଂହ ମିଶ୍ର ଜବାବ ରଖିଛନ୍ତି। ଶିବରାଜ ସିଂହ ଚୌହାନଙ୍କୁ ଇସାରା କରି ସେ କହିଛନ୍ତି, “ମୁଁ ପୂର୍ବତନ ମୁଖ୍ୟମନ୍ତ୍ରୀଙ୍କୁ ପଚାରୁଛି ସେ ପରିବାରବାଦରୁ ମୁକ୍ତ ହେଲେଣି କି ? ତାଙ୍କ ପରିବାରର ମୁଖିଆ କିଏ ? ନାଗପୁର RSS ଅଫିସ୍ ପରା, ସେ ଯେଉଁଠି ଯେମିତି ନଚେଇବେ ଏମାନେ ନାଚିବେ। ରାଜନୀତିରେ ସେ ତାଙ୍କର ପିତା, ସେ ଆଗ ପରିବାରବାଦରୁ ମୁକ୍ତ ହୁଅନ୍ତୁ।”

ସୂଚନା ଅନୁଯାୟୀ, ଶିବରାଜ ସିଂହ ଚୌହାନ ଓଡ଼ିଶା ଗସ୍ତରେ ଆସିଥିବା ବେଳେ ଉଭୟ ବିଜେଡି ଓ କଂଗ୍ରେସ ଉପରେ ବର୍ଷିଥିଲେ। ଶିବରାଜ କହିଥିଲେ, କଂଗ୍ରେସରେ ପରିବାରବାଦ ହିଁ ସବୁକିଛି । ହେଲେ ବିଜେପି କେବେ ବି ପରିବାରବାଦରେ ବିଶ୍ୱାସ କରେନାହିଁ।

ଦଳର ସଭାପତି ଚୟନ ନେଇ ଟଣାଓଟରା ଲାଗିବା ହାସ୍ୟାସ୍ପଦ ବୋଲି ଶିବରାଜ କଟାକ୍ଷ କରି କହିଥିଲେ। ଏହାସହ କଶ୍ମୀର ସମସ୍ୟା ପାଇଁ ପୂର୍ବତନ ପ୍ରଧାନମନ୍ତ୍ରୀ ଜବାହରଲାଲ୍ ନେହରୁ ହିଁ ଦାୟୀ ବୋଲି ମଧ୍ୟ କହିଥିଲେ।