ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ମାଲକାନଗିରି (ଓଡ଼ିଶା ରିପୋର୍ଟର): ଗଞ୍ଜେଇକୁ ଅସ୍ତ୍ର କରି ଅର୍ଥ ଯୋଗାଡ଼ରେ ଲାଗିଛନ୍ତି ମାଓବାଦୀ। କେତେବେଳେ ଲୁଣ ବୋଝେଇ ଗାଡ଼ିରେ ତ ଆଉ କେତେବେଳେ ତେଲ ଟ୍ୟାଙ୍କର ଓ କଣ୍ଟେନରରେ ଗଞ୍ଜେଇ ଚାଲାଣ କରୁଛନ୍ତି। ମାଓପ୍ରବଣ ମାଲକାନଗିରିର ବିଚ୍ଛିନ୍ନାଞ୍ଚଳରୁ ନୂଆ ନୂଆ ଉପାୟରେ ଗଞ୍ଜେଇ ଚାଲାଣ ହେଉଛି। ଗତକାଲି ଆଉ ଏକ ତରିକାରେ ଚାଲାଣ କରୁଥିବା ବେଳେ ଧରାପଡ଼ିଛି ଗଞ୍ଜେଇ।</p> <p>ପଇଡ଼ ବୋଝେଇ ଟ୍ରକ୍‌ରେ ଚାଲାଣ ହେଉଥିଲା ବସ୍ତା ବସ୍ତା ଗଞ୍ଜେଇ। ମାଲକାନଗିରିରୁ ପଞ୍ଜାବ ଭାୟା ରାୟପୁର ଦେଇ ଚାଲାଣ ହେଉଥିଲା ଗଞ୍ଜେଇ। ଛତିଶଗଡ଼ ସେଷ୍ଟ୍ରାଲ ଏକ୍‌ସାଇଜ୍‌ ଡିପାର୍ଟମେଣ୍ଟର ଏକ ଟିମ୍‌ ଜାଣିପାରି ଟ୍ରକକୁ ଟକାଇଥିଲା। ସେଥିରୁ ୬,୫୪୫ କିଲୋ ଗଞ୍ଜେଇ ଜବତ କରିଥିଲା। ଯାହାର ମୂଲ୍ୟ ପ୍ରାୟ ୧୦ କୋଟିରୁ ଅଧିକ ଟଙ୍କା ହେବ। ଛତିଶଗଡ଼ରେ ଏକକାଳିନ ଏତେ ପରିମାଣର ଗଞ୍ଜେଇ ଜବତ ହେବା ପ୍ରଥମ ଘଟଣା ବୋଲି ଜଣାପଡ଼ିଛି।</p> <p>ରାଜସ୍ୱ ଗୁଇନ୍ଦା ନିର୍ଦ୍ଦେଶାଳୟ ଜଏଣ୍ଟ ଡାଇରେକ୍ଟର ଜି. କେ. ପତି କହିଛନ୍ତି-“ଗଞ୍ଜେଇ ଛଡ଼ା ଅନ୍ୟାନ୍ୟ ନିଶାଦ୍ରବ୍ୟ ଚାଷ କରାଯାଉଛି। ଏଥିରୁ ଅଧିକ ଲାଭ ମିଳୁଥିବାରୁ ଲୋକେ ବେଶୀ ପରିମାଣରେ ଚାଷ କରୁଛନ୍ତି।”</p> <p>ମାଲକାନଗିରି ଜିଲ୍ଲା ବିଚ୍ଛିନ୍ନାଞ୍ଚଳରେ ଏତେ ପରିମାଣର ଗଞ୍ଜେଇ ଚାଲାଣ ପଛର ରହସ୍ୟ କଣ? କାରଣ ପୋଲିସ୍ ପ୍ରଶାସନଠୁ ବେଶ୍ ଅପହଞ୍ଚ ଏହି ଅଞ୍ଚଳ। ଯାହାଫଳରେ ମାଓବାଦୀମାନେ ନିର୍ଭୟରେ ଗଞ୍ଜେଇ ଚାଷ କରୁଛନ୍ତି। ଆଉ ବେପାରୀମାନଙ୍କ ମଧ୍ୟରେ ପଡ଼ୋଶୀ ରାଜ୍ୟକୁ ଚାଲାଣ କରାଯାଉଛି।</p> <p>କେବଳ ମାଲକାନଗିରି ନୁହେଁ, କନ୍ଧମାଳ, ବୌଦ୍ଧ, ରାୟଗଡ଼ା, କୋରାପୁଟ ଭଳି ମାଓ ଅଧ୍ୟୁଷିତ ରାଜ୍ୟର ୧୦ଟି ଜିଲ୍ଲାରେ ବ୍ୟାପକ ଭାବେ ଗଞ୍ଜେଇ ଚାଷ ହେଉଛି। ପୋଲିସ୍ ଡିଜିଙ୍କ ସୂଚନା ଅନୁଯାୟୀ, ଗତବର୍ଷ ସର୍ବାଧିକ ୪ ହଜାର ୫ ଶହ ଏକର ଜମିରେ ଗଞ୍ଜେଇ ଚାଷକୁ ନଷ୍ଟ କରାଯାଇଛି। ଆଗକୁ ଏହି ଅଭିଯାନକୁ ଜୋରଦାର କରାଯିବ।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
