ମାଲକାନଗିରି (ଜିତେନ୍ଦ୍ର ବେଉରା): ମାଲକାନଗିରି ଜିଲ୍ଲା ମାଥିଲି ଥାନା ଅନ୍ତର୍ଗତ ମୁଣ୍ଡାଗୁଡ଼ାରେ ନକ୍ସଲମାନେ ଏକ ଲଙ୍କାକାଣ୍ଡ ଘଟାଇଛନ୍ତି। ସେମାନେ ଏକ ଯାତ୍ରୀବାହୀ ବସ୍କୁ ଜାଳି ଦେଇଛନ୍ତି।
ଗତକାଲି ରାତିରେ ୨୦ରୁ ୩୦ ଜଣ ସଶସ୍ତ୍ର ମାଓବାଦୀ ମହୁପଦରରୁ ମୋଟୁ ଯାଉଥିବା ଏହି ଯାତ୍ରୀବାହୀ ବସ୍କୁ ମୁଣ୍ଡାଗୁଡ଼ା ନିକଟରେ ଅଟକାଇଥିଲେ। ସେମାନେ ଯାତ୍ରୀଙ୍କୁ ବସ୍ରୁ ଓହ୍ଲାଇ ଦେଇ ସେଥିରେ ନିଆଁ ଲଗାଇ ଦେଇଥିଲେ।
ନକ୍ସଲମାନେ ବସ୍ ଡ୍ରାଇଭର ଓ କଣ୍ଡକ୍ଟରକୁ ନିର୍ଧୂମ ପିଟିଥିଲେ। ପ୍ରତିବାଦ ସପ୍ତାହ (ନକ୍ସଲଙ୍କର) ଚାଲିଥିବା ବେଳେ କାହିଁକି ବସ୍ ଆଣିଲ ବୋଲି କହି ସେମାନେ ବସ୍ କର୍ମଚାରୀଙ୍କୁ ପିଟିଥିଲେ। ଏହାସହ ସେମାନେ ବସ୍କର୍ମଚାରୀଙ୍କ ମୋବାଇଲ ନେଇଯାଇଥିଲେ।
ଏହି ଘଟଣା ପରେ ସ୍ଥାନୀୟ ଅଞ୍ଚଳରେ ଭୟର ବାତାବରଣ ସୃଷ୍ଟି ହୋଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
