ସରକାରଙ୍କ ନିଷ୍ପତ୍ତି: ନୂଆ ଲୁକ୍‌ରେ ସ୍କୁଲ କଲେଜ ଆସିବେ ସାର, ଦିଦି

<p>ଭୁବନେଶ୍ୱର(ଓଡ଼ିଶା ରିପୋର୍ଟର): ବଦଳିବ ଡ୍ରେସକୋଡ।&nbsp; ଆଗକୁ ନୂଆ ଲୁକରେ ଆସିବେ ରାଜ୍ୟର ସମସ୍ତ ସରକାରୀ ସ୍କୁଲ୍ ଓ କଲେଜର ଶିକ୍ଷକ ଓ ଶିକ୍ଷୟିତ୍ରୀ। ସେମାନଙ୍କ ପାଇଁ ସମ୍ବଲପୁରୀ କପଡାରେ ପ୍ରସ୍ତୁତ ଡ୍ରେସ୍ କୋଡ୍ ଲାଗୁ ହେବ। ସମ୍ବଲପୁରୀ କପଡ଼ାରେ ତିଆରି ଡ୍ରେସ୍ କୋଡ୍ ଆସନ୍ତା ମାସେ ଭିତରେ ଏହି ବ୍ୟବସ୍ଥା ଲାଗୁ ହେବ ବୋଲି ହସ୍ତତନ୍ତ ଓ ବୟନଶିଳ୍ପ ମନ୍ତ୍ରୀ ସ୍ନେହାଙ୍ଗିନୀ ଛୁରିଆ କହିଛନ୍ତି।</p> <p>ସେ କହିଛନ୍ତି,- ଆସନ୍ତା ଶିକ୍ଷା ବର୍ଷ ଆରମ୍ଭ ପୂର୍ବରୁ ସବୁ ପ୍ରାଇମେରୀ ଓ ହାଇସ୍କୁଲ୍ ଶିକ୍ଷକ ଶିକ୍ଷୟତ୍ରୀଙ୍କ ପାଇଁ ଏହି ଡ୍ରେସ୍ କୋଡ୍ ଯୋଗାଇ ଦିଆଯିବ। ବୟନିକା ଓ ସମ୍ବଲପୁରୀ ବସ୍ତ୍ରାଳୟ ପକ୍ଷରୁ ପର୍ଯ୍ୟାପ୍ତ ପରିମାଣର ଡ୍ରେସ୍ ଯୋଗାଇବାକୁ ବ୍ୟବସ୍ଥା ହେଉଛି।</p> <p>ସେ ଆହୁରି କହିଛନ୍ତି,-&ldquo;ପରବର୍ତ୍ତୀ ପର୍ଯ୍ୟାୟରେ କଲେଜ ସ୍ତରରେ ଓ ପରେ ସ୍କୁଲ୍ ଛାତ୍ରଛାତ୍ରୀଙ୍କ &nbsp;ପାଇଁ ମଧ୍ୟ ଏଭଳି ଡ୍ରେସ୍ କୋଡ୍ ପାଇଁ ଲକ୍ଷ୍ୟ ରଖାଯାଇଛି।&rdquo;</p> <p>ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ ବଦ୍ରିନାରାୟଣ ପାତ୍ର କହିଛନ୍ତି,- &ldquo;ଆଗକୁ ଛାତ୍ରଛାତ୍ରୀଙ୍କ ପାଇଁ ମଧ୍ୟ ଏଭଳି ଡ୍ରେସ ବ୍ୟବସ୍ଥା କରାଯିବାକୁ ପ୍ରସ୍ତାବ ରହିଛି। ତେବେ ଏ ନେଇ ବର୍ତ୍ତମାନ ସୁଦ୍ଧା କୌଣସି ବିଧିବଦ୍ଧ ନିଷ୍ପତ୍ତି ହୋଇ ନାହିଁ।&rdquo;<br /> &lt;a href=&quot;&quot;&gt;(image) &lt;/a&gt;ଏଭଳି ବ୍ୟବସ୍ଥା ଦ୍ୱାରା ବୁଣାକାରଙ୍କ ଆର୍ଥିକ ଅବସ୍ଥାରେ ସୁଧାର ଆସିବ ବୋଲି ସଂଘ କହିଛି।</p> <p>ତେବେ ସମ୍ବଲପୁରୀ କପଡାରେ ଡ୍ରେସ୍ କୋଡ ବ୍ୟବସ୍ଥାକୁ ସବୁ ମହଲରେ ପ୍ରଶଂସା କରାଯାଇଛି। ଏଭଳି ଡ୍ରେସ୍ କୋଡ୍ ଫଳରେ ପଶ୍ଚିମ ଓଡ଼ିଶାର ସୁନାମ ବଢିବା ସହ ବୁଣାକାର ଶିଳ୍ପ ପାଇଁ ଉତ୍ସାହ ଯୋଗାଇବ ବୋଲି ଶିକ୍ଷକ ଓ ଶିକ୍ଷାର୍ଥୀ କହିଛନ୍ତି।</p> <p>ତେବେ ରାଜ୍ୟ ବୟନଶିଳ୍ପ ବିଭାଗର ଏ ନୂଆ ପଦକ୍ଷେପ କେତେ ଶୀଘ୍ର କାର୍ଯ୍ୟକାରୀ ହେଉଛି। ତା&rsquo; ଉପରେ ସମସ୍ତଙ୍କ ନଜର ରହିଛି। ପୂର୍ବରୁ ବିଭିନ୍ନ ସ୍କୁଲ କଲେଜକୁ ଭିତ୍ତିକରି ଭିନ୍ନ ଭିନ୍ନ ରଙ୍ଗର ଡ୍ରେସକୋଡ ପ୍ରଚଳନ କରାଯାଇଥିଲା।</p> <p>https://youtu.be/DfmNWnq5hRQ</p>