ଶିଶୁ କନ୍ୟାକୁ ପୋଖରୀ ହୁଡ଼ାରେ ଛାଡ଼ି ପଳାଇଲେ

ନୂଆପଡ଼ା(ମାୟାଧର ସରାଫ୍‌): ପୁଣି ଅଲୋଡ଼ା ହେଲା ଶିଶୁ କନ୍ୟା। ଶିଶୁଟିକୁ କେହି ପୋଖରୀ ହୁଡ଼ାରେ ଛାଡ଼ି ପଳାଇଛି। ଏପରି ହୃଦୟହୀନ ଘଟଣା ଘଟିଛି ନୂଆପଡ଼ା ଜିଲ୍ଲା କୁରୁମପୁରୀ-ଦଲଦଲି ଗାଁରେ।

ସୂଚନା ଅନୁସାରେ, ଗାଁ ମଝିରେ ଥିବା ଏକ ପୋଖରୀ ହୁଡ଼ାରୁ ଶିଶୁକନ୍ୟାକୁ ଉଦ୍ଧାର କରାଯାଇଛି। ଆଜି ସକାଳେ କିଛି ଲୋକେ ସେଠାକୁ ହଳ କରିବାକୁ ଯାଇଥିଲେ। ସେଠାରେ  ଶିଶୁକୁ ଦେଖି ଗାଁ ଲୋକଙ୍କୁ ଜଣାଇଥିଲେ। ଏହାପରେ ଗାଁ ଲୋକେ ଆସି ଛୁଆଟିକୁ ଉଦ୍ଧାର କରିଥିଲେ।

ଶିଶୁକନ୍ୟାଟି ୨ରୁ ୩ ଦିନ ତଳେ ଜନ୍ମ ହୋଇଥିବା ଅନୁମାନ କରାଯାଉଛି। ବର୍ତ୍ତମାନ ଶିଶୁଟି ସୁସ୍ଥ ଅଛି।