ପିସିସି ସଭାପତି ପଦ ମଣ୍ଡନ ପରେ ଆଜି ଦିଲ୍ଲୀରୁ ଫେରୁଛନ୍ତି ନିରଞ୍ଜନ

<p>ଭୁବନେଶ୍ୱର(ଓଡ଼ିଶା ରିପୋର୍ଟର): ପିସିସି ସଭାପତି ପଦ ମଣ୍ଡନ ପରେ ଆଜି ଦିଲ୍ଲୀରୁ ଫେରିବେ ନିରଞ୍ଜନ ପଟ୍ଟନାୟକ। ତାଙ୍କ ଟିମ୍&zwnj;ର ନବ ନିଯୁକ୍ତ ଅନ୍ୟ&nbsp; ସଦସ୍ୟ ମଧ୍ୟ ଆଜି ଦିଲ୍ଲୀରୁ ଭୁବନେଶ୍ୱର ଫେରିବାର କର୍ଯ୍ୟକ୍ରମ ରହିଛି। ନିରଞ୍ଜନ ଓ ତାଙ୍କ ନୂଆ ଟିମ୍&zwnj;କୁ ସ୍ୱାଗତ ଲାଗି କର୍ମୀଙ୍କ ମଧ୍ୟରେ ଉତ୍ସାହ ଦେଖାଦେଇଛି। ଏଥିପାଇଁ ଚଳଚଞ୍ଚଳ ହୋଇଛି କଂଗ୍ରେସ ଭବନ।</p> <p>ଗତ ୧୯ତାରିଖରେ&nbsp; ରାଜ୍ୟ କଂଗ୍ରେସର ନୂଆ ମୁଖିଆ ଭାବେ ନିରଞ୍ଜନଙ୍କ ନାଁରେ ମୋହର ଲଗାଇଥିଲେ ଦଳର ସଭାପତି ରାହୁଲ ଗାନ୍ଧି। ଚିରଞ୍ଜୀବ ବିଶ୍ୱାଳ, ନବ ଦାସ&nbsp; ଓ ପ୍ରଦୀପ ମାଝୀଙ୍କୁ କାର୍ଯ୍ୟକାରୀ ସଭାପତି ଭାବେ ନିଯୁକ୍ତ ଦିଆଯାଇଥିଲା। ସେହିଭଳି ନବ ଗଠିତ ଟିମରେ ଭକ୍ତ ଦାସଙ୍କୁ କଂଗ୍ରେସ ପ୍ରଚାର କମିଟି ଅଧ୍ୟକ୍ଷ, ଜିତେନ୍ଦ୍ର ସିଂଙ୍କୁ ସମନ୍ୱୟ କମିଟିର ଅଧ୍ୟକ୍ଷ, ଜୟଦେବ ଜେନାଙ୍କୁ କୋର୍ କମିଟି ଅଧ୍ୟକ୍ଷ ଓ ହେମାନନ୍ଦ ବିଶ୍ୱାଳଙ୍କୁ ଶୃଙ୍ଖଳା କମିଟି ଦାୟିତ୍ୱ ମିଳିଛି। &nbsp;ଶ୍ରୀକାନ୍ତ ଜେନାଙ୍କୁ ମେନିଫେଷ୍ଟୋ କମିଟିର ଅଧ୍ୟକ୍ଷ ନିଯୁକ୍ତ କରାଯାଇଛି।</p>