ପୁଣି ଦମ୍ଭ ଦେଖାଇଲେ ଦାମ, କହିଲେ- କାମ ଅନୁସାରେ ବିଧାୟକଙ୍କୁ ଦରମା ମିଳୁ

<p>ଭୁବନେଶ୍ୱର (ଓଡ଼ିଶା ରିପୋର୍ଟର): ପୁଣି ଦମ୍ଭ ଦେଖାଇଲେ ବିଜେଡିର ବରିଷ୍ଠ ନେତା ଦାମୋଦର ରାଉତ। ଆଜି ବିଧାନସଭାରେ ପୂର୍ବତନ ମନ୍ତ୍ରୀ ତଥା ପାରାଦୀପ ବିଧାୟକ ଦାମ ରାଉତ ଏକ ଗୁରୁତ୍ୱପୂର୍ଣ୍ଣ କଥା କହିଛନ୍ତି। ବାରମ୍ୱାର ବିଧାନସଭା ଅଚଳାବସ୍ଥାକୁ ନେଇ ଉଦ୍&zwnj;ବେଗ ପ୍ରକାଶ କରିଥିଲେ ଦାମ। କହିଥିଲେ-&ldquo;କାମ ନାହିଁ ତ ଦରମା ନାହିଁ। ବିଧାୟକମାନଙ୍କୁ କାମ ଅନୁସାରେ ଭତ୍ତା ମିଳୁ। ଅଧିବେଶନ ବେଳେ ଯେତିକି ସମୟ ଗୃହ ଚାଲୁଛି,ସଦସ୍ୟମାନଙ୍କୁ ସେହି ଅନୁପାତରେ ଭତ୍ତା ମିଳୁ। କମ୍ କାମ କରି ପୂରା ଭତ୍ତା ମିଳିବା ବ୍ୟବସ୍ଥା ବନ୍ଦ ହେଉ।&rdquo;</p> <p>ଦାମଙ୍କ କଥାକୁ ସ୍ୱାଗତ କରିଛନ୍ତି ବିରୋଧୀ ଦଳ ମୁଖ୍ୟ ସଚେତକ ତାରା ପ୍ରସାଦ ବାହିନୀପତି। ସେ କହିଛନ୍ତି-&ldquo;ନୋ ୱାର୍କ ନୋ ପେ। ଯେତେ ଦିନ ବିଧାନସଭା ଚାଲିବ ସେହି ହିସାବରେ ଦରମା ମିଳୁ। ମୁଁ ଏପରି ପ୍ରସ୍ତାବକୁ ସ୍ୱାଗତ କରୁଛି।&rdquo;</p> <p>ବିଜେପି ବିଧାୟକ ଦଳ ନେତା କନକ ବର୍ଦ୍ଧନ ସିଂହଦେଓ ମଧ୍ୟ ଦାମଙ୍କ ନୋ ୱାକିଂ ନୋ ପେ ବ୍ୟବସ୍ଥା ଲାଗୁ ଦାବିକୁ ସମର୍ଥନ କରିଛନ୍ତି। ଏପରି ପ୍ରସ୍ତାବ ଆସିଲେ ବିଜେପି ସମର୍ଥନ କରିବ।</p>