ଭୁବନେଶ୍ୱର: ବିଜ୍ଞାନ ଯେତେ ଆଗେଇଲେ ମଧ୍ୟ ସମାଜରେ ଶିଶୁ ନିର୍ଯାତନା ଓ ଅତ୍ୟାଚାର କମିନି। ବରଂ ବଢ଼ି ଚାଲିଛି। ବର୍ତ୍ତମାନ ସମୟରେ ଶିଶୁଙ୍କ ସୁରକ୍ଷା ପାଇଁ ଧର୍ମଗୁରୁ, ରାଜନୈତିକ ବ୍ୟକ୍ତି ବିଶେଷ ଓ ସମାଜର ସବୁ ବର୍ଗ ସହଯୋଗ କରିବା ଆବଶ୍ୟକ ବୋଲି ନୋବେଲ ପୁରସ୍କାର ବିଜେତା କୈଳାସ ସତ୍ୟାର୍ଥୀ କହିଛନ୍ତି।
ଭୁବନେଶ୍ୱରରେ ଆୟୋଜିତ ଏକ ସାମ୍ୱାଦିକ ସମ୍ମିଳନୀରେ ସେ କହିଥିଲେ,“ଦୁର୍ବଳ ଆଇନ୍ ବ୍ୟବସ୍ଥା ଯୋଗୁଁ ଶିଶୁମାନେ ଶୋଷଣରେ ଶିକାର ହେଉଛନ୍ତି। ଏହାର ମୁକାବିଲା ପାଇଁ ଯୁବ ଗୋଷ୍ଠୀଙ୍କୁ ନେଇ ଖୁବ୍ଶୀଘ୍ର ‘ହଣ୍ଡ୍ରେଡ୍ ମିଲିୟନ୍ ଫର୍ ହଣ୍ଡ୍ରେଡ୍ ମିଲିୟନ୍’ ଅଭିଯାନ୍ ଆରମ୍ଭ ହେବ।”
ପରେ ସେ ନବୀନ ନିବାସ ଯାଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଭେଟିଛନ୍ତି।